From Wikipedia, the free encyclopedia
ડોડાબેટ્ટા (તમિળ: தொட்டபெட்டா) એ નીલગિરિ પર્વત માળાનો ૨,૬૩૭ મીટર (૮,૬૫૦ ફીટ) ઊંચાઇ ધરાવતો સૌથી ઊંચો પર્વત છે. તેના શિખરની આજુબાજુ અભ્યારણ આવેલું છે. તે તમિલનાડુના નીલગિરિ જિલ્લામાં ઊટી-કોટાગિરી માર્ગ પર ઊટીથી ૯ કિમીના અંતરે આવેલો છે. શિખર સુધી માર્ગ હોવાને કારણે તે લોકપ્રિય પર્યટન સ્થળ છે. દક્ષિણ ભારતમાં અનામુડી અને મેસાપુલિમાલા પછી ત્રીજું ઊંચું શિખર છે.
ડોડાબેટ્ટા નામ બડાગા ભાષામાંથી ઉતરી આવ્યું છે, જેનો અર્થ મોટો પર્વત થાય છે.
હેકુબા(૨૩૭૫ મીટર), કાટ્ટાદાદુ (૨૪૧૮ મીટર) અને કુલકુડી (૨૪૩૯ મીટર) આ ત્રણ શિખરો ડોડાબેટ્ટાની પશ્ચિમે ઉડામાન્ડાલમ નજીક આવેલા છે.
ડોડાબેટ્ટાની નજીકનો વિસ્તાર જંગલથી ઘેરાયેલો છે. તેના ઢોળાવો વનસ્પતિઓથી ઘેરાયેલા છે.[2][3]
ડોડાબેટ્ટાની ટોચ પર એક વેધશાળા આવેલી છે, જેમાં બે ટેલિસ્કોપ આવેલા છે, જેનાં વડે આખા જિલ્લાનો દૂરસ્થ દેખાવ જોઇ શકાય છે. તે જૂન ૧૮, ૧૯૮૩ના રોજ ખૂલ્લાં મૂકવામાં આવ્યા હતા અને તમિલ નાડુ ટુરિઝમ ડેવલોપમેન્ટ કોર્પોરેશન (TTDC) દ્વારા દેખરેખ રાખવામાં આવે છે. ૨૦૦૧-૨૦૦૨ના વર્ષ દરમિયાન દરરોજ ૩૫૦૦ વ્યક્તિઓએ આનો લાભ લીધો હતો. સામાન્ય દિવસોમાં સરેરાશ ૭૦૦ વ્યક્તિઓ આનો લાભ લે છે.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.