Mba'apo'arape térã kapitarape, sapy'ánte katu capitalismo, ha'e peteĩ virurekokuaa ypykatu oñemomba'ehápe ha oñemomba'apohápe umi mba'e mba'aporã oñembohetave hag̃ua virureruha.[1][2]
Umi mba'e mba'aporã ningo tapichakuéra térã apoñemyakãha mba'éva, noĩri hikuái tetã rekuái poguýpe. Umíva ojehero jepi "mba'e ijárava" ramo (karaiñe'ẽme, propiedad privada). Virurekokuaa oguatáva capitalismo rehe ija py'ỹinte ñemu sãso rehe, upéva he'ise mba'ekuéra repykue ojupi térã oguejyha ojehechávo umi mba'e ojeguerekóva ha mboy tapichápa oipota. Tapichakuéra ojogua ha ovende oipotaháicha mba'ekuéra. Heta tetãme ikatu jahecha oĩha tembiapoukapy ñemu rehegua ha tetã rekuái oiporavo mba'éichapa tapichakuéra ikatu oñemu.
Ko ñe'ẽ mba'apo'arape ha'e peteĩ ñe'ẽpyahu oúva "mba'apo'a" (karaiñe'ẽme: fruto del trabajo, capital) ha "tape" (karaiñe'ẽme: camino, doctrina). Ko ñe'ẽ capitalismo katu ou "capital"-gui, oúva latinañe'ẽgui "caput" ha he'iséva "akã", he'iséva peteĩ mba'e hepy ojeporúva ojejapo hag̃ua umi mba'e. Pe capital ikatu ha'e pirapire térã oimeraẽ mba'e ambuéva ikatu ojejogua térã oñevende.
Mandu'apy
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
