![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f7/Panama_Canal_Gatun_Locks.jpg/640px-Panama_Canal_Gatun_Locks.jpg&w=640&q=50)
Yrape Panama
y jehasaha ombojoajúva paraguasu Py'aguapy ha Atlántiko / From Wikipedia, the free encyclopedia
Yrape Panama (Karaiñe'ẽme: canal de Panamá) ha'e peteĩ yrape ombojoajúva para Karíve ha paraguasu Py'aguapy. Ojejuhu pe yvyjyva Panama vore ipo'ivévape (82 km).
![Thumb image](http://upload.wikimedia.org/wikipedia/commons/thumb/f/f7/Panama_Canal_Gatun_Locks.jpg/640px-Panama_Canal_Gatun_Locks.jpg)
Ko yrape omba'apo upéicha: heta y mba'yru (esclusa oje'eháicha karaiñe'ẽme) ohupi ygakuéra oguahẽ meve ypa Gatún rendápe, peteĩ ypa ojejapo ani hag̃ua ojejo'ove yvy ha ita ojejapo hag̃ua yrape ipukuitereíva, ko ypa oiko hína 27.5 metro yguasu ári, ha upéi oguejy jey ygakuéra y mba'yrúpe oguahẽ hag̃ua paraguasúpe, 8 térã 10 aravo hi'are ohasapa hag̃ua.[1] Ojejapopa mboyve ko yrape, umi yga ohasase paraguasu Py'aguapy ha Atlántiko rupive oho va'erã ypo'i Magallanes pegua rendápe, amoite Chíle ha Arhentína vore ñembyiteguápe.[2]
Ojejapopa guive ára 15 jasypoapy 1914, ko yrape tuicha oipytyvõ ombopya'e hag̃ua mba'ekuéra jegueraha y rupi, upéicha ipya'eve oñemu hag̃ua ojeipurúvo ygakuéra[3] ohasa hag̃ua umi mokõi paraguasu rupive (Atlántiko ha paraguasu Py'aguapy),[4] Ary 2012 jave, Tetãvore Joapykuéra, Chína Tetarã Retã, Chíle, Hapõ ha Ñemby Koréa umi tetã oipuruvéva ko yrape.[5] Oñemoporã ha oñembotuicha ary 2016 jave, 10 ary pukukuévo oñemba'apo hese oñemoporãmba hag̃ua.