From Wikipedia, the free encyclopedia
George Washington (Westmoreland, Virginia, Amérika Vyretáña pegua, 22 jasykõi ary 1732-Mount Vernon, Virginia, Tetãvore Joapykuéra, 14 jasypakõi ary 1799)[1][2] ha'e akue tendota peteĩha Tetãvore Joapykuéra pegua amo ary 1789 ha 1797 mbytépe[3][4] ha ñorairõhára aty imburuvicha guasu ohekáva Tetãvore Joapykuéra isãso Tavetã Joajúgui (ñorairõ oiko amo 1775 ha 1783 mbytépe). Ojehechakuaa chupe Tetãvore Joapykuéra-pe ha'eha "Tetã Ru Guasu".[3][4] Washington herakuã hína ojeikuaa chupe ha'eha peteĩ umi Karaígui omoñepyrũ va'ekue Tetãvore Joapykuéra, karaikuéra John Adams, Benjamin Franklin, Alexander Hamilton, John Jay, Thomas Jefferson ha James Madison ndive.
Ary 1787-pe, omotenonde upe Amandaje Filadelfia pegua, omoñepyrũhápe upe Léi Guasu jehai ha amo ary 1789-pe, ojeporavo chupe tendota peteĩha Tetãvore Joapykuéra pegua ramo. Washington oha'ã omboguata hetã py'aguapy rehe umi tetãnguéra ambuéva ndive, ani hag̃ua oiko jey ñorairõ Tetãvore Joapykuéra ñepyrũme.
Washington omano ary 1799-pe mba'asy neumonia rehe, karai Henry Lee III oñembo'e hese imanóme ha he'i hese "Washington ha'e akue peteĩha ñorairõme, peteĩ py'aguapýpe ha peteĩha umi hetãygua ñe'ãme".[5]