![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Sugarcubes.jpg/640px-Sugarcubes.jpg&w=640&q=50)
Eiratã
From Wikipedia, the free encyclopedia
Eiratã térã asuka (karaiñe'ẽme: Azúcar) niko mba'e ñambojo'áva ñane rembi'úre ñamohe'ẽ hag̃ua. Eiratã jaipurúva tembi'úpe oñenohẽ takuare'ẽgui térã remoláchagui, oĩ katu eiratã opaichagua, umi jaipuruvéva niko ko'ãva:
- Sakarósa: Asuka oĩva ka'avo ryepýpe (remolácha ha takuare'ẽ), oĩ avei eiretépe. Oñemohatã ojejapóvo asuka jaipuru hag̃ua tembi'úpe.
- Frutosa: Asuka tuichaitépe oñenohẽ yvakuéragui.
- Lactosa: Asuka oĩva kambýpe.
![Thumb image](http://upload.wikimedia.org/wikipedia/commons/thumb/4/4f/Sugarcubes.jpg/640px-Sugarcubes.jpg)
Oĩ mba'e ambuéva ndaha'éi eiratã jaipurúva ave ñamohe'ẽ hag̃ua tembi'u: ka'a he'ẽ (ka'a Paraguáipe ymaite guive yvypóra oipuru) ha aspartamo (mba'e he'ẽ eiratã'ỹre yvypóra ojapo).
Ivaiete yvypóra retépe ho'úramo heta eiratã, upéicha OMS he'i ja'u va'erã sa'ive 10 % asukágui jaipapávo opa umi kaloría ja'úva peteĩ ára pukukue. Jaikuaa asuka ikatu ohupi tuguy jejopy,[1][2] upéicha avei ikatu omongyra ha ome'ẽ tuguy asuka.[3]