ديلمي تقويم
From Wikipedia, the free encyclopedia
گیلکؤن، قديم قديمؤنِ جی تا هسا، خوشؤنِ ره تقويم و سالشوماری داشتن کی هو دیلمی يا گالشی تقويم يا ديلمی تقويم ايسه.
ای تقويمِ ريشه، قديمی يزدگردی تقويمه وگردنه .
قديم، ايران و ايرانیئنِ سال گردان بو. يعنی ۱۲ تا سیروزه ما داشتن کی بونا بو ۳۶۰ روز. چون اوشؤنِ سال، پنج روز و خوردهای، خورشيدی سالِ جی کم داشت، هر ۴ سال، سالِ سر کی هو نوروز بو يک روز خو اصلِ جيگا جی فاصله گيت.
ای چرخسن و نوروزِ جابهجايی هوتو ادامه داشت تا زمانی کی ديلمیئن تصميم بئيتن خوشؤنِ سالِ سره ثابت بدارن.
ايرانِ مئن، گيلانِ مردوم، اوّلين کسانی بؤن کی ای ضرورته درک بئودن و خوشؤنِ ساله ۳۶۵ روزه بئيتن.