دانمارک (دانمارکي: Danmark) ايته اۊرۊپايي کيشور ٚ نام ایسه کی اۊرۊپا کلسیا مئن قرار دأره و سۊئد ؤ نؤروژ أمره، ايجايي ايسکانديناوي-أ تشکیل دهده. دانمارک ایتا کشور شبه جزیرهای ایسه کی اونه ژوتلاند (Jutland) دوخانید و حدود چهارصد تا جزیره نی، دانمارک ٚ صارا تشکیل بوبوسته. دانمارک پیله جزیره شیلاند (دانمارکی: Sjælland) نام کی بالتیک ٚ دریا مئن قرار دأره و اونه مساحت ۴۶۸۵ کیلومتر موربع ایسه. دانمارک ٚ پاتخت، کؤپنهاگ نی، أ جزیره مئن نهأ. دانمارک ایتا تارئخی کشور ایسه و پور قدمت و سابقه دأره. علی رغم أنکی دانمارک ایتا کوچی کشور اوروپا کلسیا مئن ایسه اما اوروپا تارئخ مئن پور تاثیر دأشتی. دانمارک محل اجتماع مردومان کوچ نشین و صارا مج بو. وایکینگ ٚ زمات مئن دانمارکیان پور فعالت دأشتید و موختلف ٚ کشوران مئن تجارت و یا غارتگری گودید. قرون وسطی مئن بواسطه کالمار ایجایی ایتا پیله امپراتوری بوبوسته. هسأ دانمارک، اوروپا ایجایی سازمان و ناتو پیمان مئن عضو ایسه. دانمارک به ایتا کشور دومکراتیک و آزاتیخواه شناس ایسه و سطح رفاه و درآمد أ کشور مئن بوجور ایسه.[16]