Zona especial de conservación do Río Landro
espazo natural galego catalogado como zona especial de conservación From Wikipedia, the free encyclopedia
O río Landro é un espazo natural galego catalogado como zona especial de conservación (ZEC) que inclúe parte das ribeiras do río Landro, desde case o seu comezo ata o interior do esteiro da ría de Viveiro, e do seu afluente o rego de Bravos. Esta área de conservación ocupa 127,19 ha. da mariña occidental lucense nos concellos de Ourol e Viveiro, comezando desde Bravos e Xerdiz e Miñotos e indo ata Vieiro e Magazos.[1][2][3][4][5] Destaca pola presenza do salmón e polos hábitats de xunqueiras na marisma.[5]
| ||||
| Tipo | espazo natural protexido Zonas de especial protección dos valores naturais | |||
|---|---|---|---|---|
| Localización | ||||
| División administrativa | Ourol, España e Viveiro, España | |||
| ||||
| Características | ||||
| Superficie | 127,58584 ha | |||
| World Database on Protected Areas | ||||
| Identificador | 349693 | |||
| Historia | ||||
| Data de creación ou fundación | decembro de 2004 | |||
Parte deste espazo cadra co monumento natural do Souto da Retorta, e nel están os eucaliptais de Chavín.[4]
Fauna e flora
Flora
Os hábitats cos que conta a vexetación deste espazo van desde aqueles dos esteiro e as lameiras que o rodean, os prados e pasteiros, as matogueiras, os queirogais, así como os bosques de ribeira, tanto de monte como das abas das ribeiras.[4]
Nos bosques do río Landro teñen presenza os soutos e carballeiras de Quercus robur e Quercus pyrenaica, así como os bosques de ribeira de abeneiros (Alnus glutinosa) e freixos (Fraxinus excelsior).[4]
As especies da flora catalogadas como especies silvestres en réxime de protección especial ou presentes no catalogo galego de especies ameazadas son:[4]
Fauna
Entre a fauna compre destacar os mamíferos acuáticos, como as londras, e as ameixas perlíferas de río. Tamén, a presenza de 9 taxóns de aves con interese de protección, como o picapeixe (Alcedo athis) e a papuxa do mato (Sylvia undata).
As especies de fauna catalogadas como especies silvestres en réxime de protección especial ou presentes no catalogo galego de especies ameazadas son:[4]
| Grupo | Especie |
|---|---|
| Invertebrados | Coenagrion mercuriale |
| Invertebrados | Lucanus cervus |
| Invertebrados | Ameixa perlífera de río (Margaritifera margaritifera) |
| Peixes | Chondrostoma polylepis |
| Peixes | Petromyzon marinus |
| Peixes | Salmo salar |
| Anfibios | Chioglossa lusitanica |
| Anfibios | Discoglossus galganoi |
| Anfibios | Lacerta monticola |
| Anfibios | Lacerta schreiberi |
| Mamíferos | Galemys pyrenaicus |
| Mamíferos | Lutra lutra |
| Mamíferos | Myotis myotis |
| Mamíferos | Rhinolophus ferrumequinum |
| Mamíferos | Rhinolophus hipposideros |
Lexislación
O río Landro foi declarado como lugar de importancia comunitaria (LIC) en decembro de 2004 e ascendeu a zona especial de conservación (ZEC) en marzo de 2014. O espazo natural ten unha parte dentro de:[4]
- O Monumento natural “Souto da Retorta”, de 3,19 ha.
Galería de imaxes
Rego de Bravos, en Bravos, Ourol.
Souto da retorta no río Landro.
Ribeiras do río Landro.
Panorámica da ría de Viveiro, onde na ponte máis interior acaba este espazo protexido.
Notas
Wikiwand - on
Seamless Wikipedia browsing. On steroids.