Xiroscopio

Un xiroscopio^[1] é un aparello que ten un disco xiratorio cunha gran resistencia á variación do seu eixo de xiro, o que o fai moi útil para medir e manter a orientación baseado no principio da conservación do momento angular:

${\displaystyle {\vec {\boldsymbol {\tau }}}={{d{\vec {L}}} \over {dt}}={{d(I{\vec {\boldsymbol {\omega }}})} \over {dt}}=I{\vec {\boldsymbol {\alpha }}}}$

Aínda que se mova o corpo ao que está unido, o xiroscopio mantén invariábel a súa dirección de xiro.

Onde ${\displaystyle {\vec {\boldsymbol {\tau }}}}$ é o torque e ${\displaystyle {\vec {L}}}$ o momento angular, ${\displaystyle I\,}$ é o momento de inercia, e ${\displaystyle {\vec {\omega }}}$ a velocidade angular, e ${\displaystyle {\vec {\boldsymbol {\alpha }}}}$ a aceleración angular.

O xiroscopio foi inventado no 1852 polo físico Jean Bernard Léon Foucault. En esencia, consiste nun rotor co eixe pendente dun soporte formado por dous círculos articulados entre si e o rotor por suspensións de Cardán. O principio do xiroscopio deriva do feito de que un sistema en rotación e mecanicamente illado conserva o mesmo momento cinético, de xeito que o seu eixo de rotación mantén unha dirección fixa con respecto a unha referencia galileana. Unha vez se ten posto en funcionamento o eixe queda fixo respecto ó da terra describindo un cono de revolución. Tamén pode servir como referencia angular e como estabilizador.

Notas

1. Definicións no Dicionario da Real Academia Galega e no Portal das Palabras para xiroscopio.