Xavier Pardo Bedía, nado en Santiago de Compostela o 1 de decembro de 1903, e finado na Coruña o 3 de xullo de 1969[1], foi un óptico, xornalista e escritor galego.
Biografía | |
---|---|
Nacemento | 1 de decembro de 1903 ![]() Santiago de Compostela, España ![]() |
Morte | 3 de xullo de 1969 ![]() A Coruña, España ![]() |
Datos persoais | |
País de nacionalidade | España ![]() |
Actividade | |
Ocupación | óptico , xornalista , escritor ![]() |
Lingua | Lingua galega ![]() |
Traxectoria
![Thumb](http://upload.wikimedia.org/wikipedia/commons/thumb/a/a0/1929_C%C3%A9sar_Otero%2C_Jos%C3%A9_Berguer%2C_Pardo%2C_Liste_Mourenza%2C_Abelaira%2C_Salvador_Mosteiro%2C_Manuel_Cabanillas%2C_Calvi%C3%B1o_Dom%C3%ADnguez_e_A._Villar_Ponte._Laureano_Alonso%2C_Eladio_Rodr%C3%ADguez%2C_Pedrayo%2C_Risco%2C_del_Castillo_e_Rafael_Gonz%C3%A1lez_V..jpg/640px-thumbnail.jpg)
Fillo do óptico santiagués Jaime Pardo Montes. Colaborou en Nós e foi correspondente de Galicia en Santiago de Compostela. En outubro de 1924 creou en Compostela a editora Libredón, que publicaba a revista mensual do mesmo nome na que aparecían novelas curtas en galego; a primeira foi a titulada Mariña Andrade, da autoría do propio Xavier Pardo.[2] Ingresou o 18 de outubro de 1924 no Seminario de Estudos Galegos, onde leu o 28 de novembro do ano seguinte o traballo As leendas da morte na Baixa Bretaña, tradución de Anatole Le Braz, que xa publicara por entregas no periódico Galicia[3].
En 1926, Ano Xacobeo, foi canda a Vicente Risco, Ramón Otero Pedrayo, Lois Feixoo e Antón Sánchez desde Ourense a Santiago de Compostela como peregrinos. Froito desta ruta de catro días, escribiu o texto No camiño de San-Yago, publicado por capítulos na revista A Nosa Terra entre xullo de 1926 e abril de 1927.
A finais da década de 1920 instalouse na Coruña, onde abriu unha óptica. Durante o franquismo foi concelleiro da Coruña (1958) e deputado provincial (1964) vicepresidente da Deputación da Coruña, onde promoveu a adquisición do Sanatorio Psiquiátrico de Conxo pola institución.[4]
Obras
- Mariña Andrade.[5]
Vida persoal
Casou na Coruña con Ramona Murias Reigada en 1929.[6]
Recoñecementos
A Deputación da Coruña concedeulle a Medalla de Prata da provincia a título póstumo.
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.