World Trade Center 7

O World Trade Center 7, ou WTC 7,^[2] é un edificio de Nova York situado no complexo do World Trade Center, no Baixo Manhattan. O nome 7 World Trade Center refírese a dous edificios: a estrutura orixinal, completada en 1987 e destruída o 11 de setembro de 2001, e a estrutura actual, inaugurada en 2006. Os dous edificios construíunos Larry Silverstein, arrendatario do soar, que é propiedade da Autoridade Portuaria de Nova York e Nova Jersey.

Para outras páxinas con títulos homónimos véxase: World Trade Center.

World Trade Center 7
O novo World Trade Center 7 dende o sueste (2008)
Tipo	rañaceos
Parte de	World Trade Center
Uso(s)	Oficinas
Material usado	formigón, aceiro e vidro
Localización
40°42′48″N 74°00′43″O
Estado	Estados Unidos de América
Estado federado	Nova York
Cidade	Nova York
Borough	Manhattan
Localización	Manhattan, Nova York Estados Unidos
Rúa	Greenwich Street (en)
Código postal	10006
Enderezo	250 Greenwich Street
Datas
Inicio construción	7 de maio de 2002
Remate construción	2006
Fundación	2006
Inauguración	23 de maio de 2006
Acontecementos
7 de maio de 2002	comezo da construción
Dimensións
Altura	226 m[1]
Pisos sobre o solo	52
Pisos subterráneos	1
Superficie	156.181 m2
Persoas e organizacións
Propietario/a	Silverstein Properties (en)
Arquitecto/a	David Childs (SOM)
Promotor/a	Silverstein Properties
Contacto
Páxina WEB	wtc.com…
[ Wikidata ]

O WTC 7 orixinal, de planta trapezoidal e con fachada de granito vermello, tiña unha altura de corenta e sete pisos. Un paso elevado de peóns conectaba o edificio coa praza do World Trade Center. O WTC 7 construíuse sobre unha subestación de enerxía da Consolidated Edison (Con Ed), o cal implicou unha xeira de restriccións infrecuentes no deseño da súa estrutura. Cando finalmente se inaugurou en 1987, Silverstein tivo dificultades para atraer alugueiros. En 1998, Salomon Brothers asinou un alugamento a longo prazo, e converteuse no principal arrendatario do edificio. O 11 de setembro de 2001, o edificio quedou danado polo derrubamento das Torres Xemelgas, e a súa integridade estrutural ficou comprometida polos lumes que se declararon ese mesmo día. O WTC 7 orixinal derrubouse ás 17:20 do 11 de setembro a causa do efecto combinado dos dous factores.

A construción do novo WTC 7 comezou no ano 2002 e rematou no 2006. Ten cincuenta e dúas plantas de altura e continúa sobre a subestación eléctrica de Con Ed, pero agora ocupa unha superficie que ocupaba o edificio orixinal para non interromper o paso de Greenwich Street, que vai de TriBeCa («Triangle Below Canal Street») até Battery Park atravesando a zona do World Trade Center; no espazo que antigamente ocupaba o WTC 7 hoxe tamén hai un pequeno parque. O novo edificio está limitado polas rúas de Greenwich, Vesey, Washington e Barclay. O deseño actual do WTC 7 pon máis énfase na seguridade, cun núcleo de formigón armado, escaleiras máis amplas e uns alicerces de aceiro máis resistentes ó lume.