Atol Napuka

Napuka é un atol das Tuamotu, na Polinesia Francesa. Forma parte, xunto con Tepoto Norte, das illas da Decepción. Administrativamente é a capital dunha comuna que inclúe os dous atois. Está situado ao nordés do arquipélago, a 926 km de Tahití.

Atol Napuka

Napuka (fr)
Localización
14°10′17″S 141°13′56″O
Colectividade	Polinesia Francesa
División administrativa da Polinesia Francesa	Illas Tuamotu-Gambier
Comuna da Polinesia Francesa	Comuna de Napuka
Poboación
Poboación	271 (2007) (15,06 hab./km²)
Xeografía
Parte de	Illas da Decepción
Superficie	18 km²
Bañado por	Océano Pacífico
Altitude	7 m
Identificador descritivo
Fuso horario	UTC−10:00

Xeografía

É un atol de forma ovalada, de 9 km de longo e 3 km de ancho. A lagoa ocupa unha área de 18 km² e as terras emerxidas, 8 km². Non existe un paso practicable entre a lagoa e o océano. O anel coralino está formada por dúas illas e 32 illotes. Na illa do leste hai un aeroporto, e na illa do norte a vila principal: Tepukamaruia. A poboación era de 253 habitantes no censo de 2002, co principal recurso económico da produción de copra.

Historia

Napuka foi colonizado desde os atois veciños das Tuamotu. Atopáronse restos arqueolóxicos dunha decena de maraes, con cunchas de tartarugas no subsolo. O atol é un dos lugares utilizados polas tartarugas mariñas para aniñar. O primeiro europeo en chegar foi o inglés John Byron en 1765. Tamén se coñeceu como Whytoohee e Tepukamaruia.