Wayne Gretzky

Wayne Douglas Gretzky, nado en Brantford, Ontario, o 26 de xaneiro de 1961 é un xogador e adestrador de hóckey sobre xeo canadense retirado. Xogo vinte temporadas na National Hockey League (NHL) con catro equipos entre 1979 e 1999. Alcumado "The Great One" ("O Grande"),^[1] foi chamado "o mellor xogador de hóckey da historia" por moitos xornalistas, xogadores e a propia NHL.^[2] Gretzky é o máximo anotador da NHL, con máis goles e asistencias que ningún outro xogador.^[3] É o único xogador que logrou máis de 200 puntos nunha única temporada, feito que acadou en catro ocasións. Ademais, Gretzky superou os 100 puntos en dezaseis temporadas como profesional, catorce delas consecutivas. No momento da súa retirada en 1999, tiña 61 marcas da NHL.^[2]

Wayne Gretzky

Biografía
Nacemento	26 de xaneiro de 1961 (63 anos) Brantford, Canadá (pt)
Educación	Ross Sheppard High School (en) West Humber Collegiate Institute (en)
Altura	184 cm
Peso	84 kg
Actividade
Ocupación	xogador de hóckey sobre xeo, adestrador de hóckey sobre xeo, gastrónomo
Nacionalidade deportiva	Canadá
Deporte	hóckey sobre xeo
Liga	National Hockey League e Associação Mundial de Hóquei (pt)
Posición de xogo	Centre (en)
Mano para tirar	left-handed shot (en)
Número deportivo	99
Traxectoria   Equipo 1976–1977 Peterborough Petes 1977–1978 Sault Ste. Marie Greyhounds 1978–1988 Edmonton Oilers 1988–1996 Los Angeles Kings 1996–1996 St. Louis Blues 1996–1999 New York Rangers
Participou en
febreiro de 1998	Xogos Olímpicos de Inverno de 1998
Familia
Cónxuxe	Janet Jones (1988–)
Fillos	Paulina Gretzky
Pai	Walter Gretzky
Irmáns	Keith Gretzky Brent Gretzky
Premios
(2000)  Silver Olympic Order (en) ../... 57+
Sinatura
Descrito pola fonte	Obálky knih,
Sitio web	gretzky.com

Traxectoria

Gretzky naceu e criouse en Brantford, Ontario, perfeccionando as súas habilidades nunha pista de xeo do patio e xogando regularmente nas ligas menores a un nivel moito maior ca os dos seus iguais.^[4] A pesar da súa estatura, forza e velocidade pouco impresionantes, a súa intelixencia e lectura do xogo non tiñan rival. Esquivaba os controis dos seus opoñentes, anticipaba o lugar en que estaría o disco e executaba o movemento correcto no tempo correcto. Foi coñecido por colocarse trla rede do seu rival, zona que se alcumou "o despacho de Gretzky".^[5]

En xaneiro de 1978, Gretzky foi o máximo anotador máis novo do campionato do mundo júnior. En xuño foi contratado polos Indianapolis Racers da World Hockey Association (WHA), cos que xogou brevemente antes de ser vendido aos Edmonton Oilers. Cando pechou a WHA, os Oilers uníronse á NHL, onde estableceu moitos récords de anotación e levou o seu equipo a gañar catro Stanley Cups. O traspaso de Gretzky aos Los Angeles Kings o 9 de agosto de 1988, tivo un efecto inmediato no equipo, que o levou ás finais da Stanley Cup de 1973 e está considerado como o popularizador do hóckey en California.^[6] Gretzky xogou por un tempo cos St. Louis Blues antes de rematar a súa carreira cos New York Rangers.

Trala súa retirada en 1999, foi incluído inmediatamente no Hockey Hall of Fame, o máis recente xogador que non tivo o período de espera. A NHL retirou o seu número 99, o que o converteu no único xogador que recibiu esa honra. Gretzky foi un dos seis xogadores votados pola International Ice Hockey Federation's (IIHF) para o equipo Centennial All-Star.^[7] Durante os Xogos Olímpicos de Inverno de 2002, Gretzky converteuse en director executivo da selección canadense masculina de hóckey, que obtivo a medalla de ouro. En 2000, converteuse en dono parcial dos Phoenix Coyotes, e tralo lockout da NHL de 2004–05 no adestrador xefe do equipo. En 2004 foi incorporado ao Ontario Sports Hall of Fame.^[8] En setembro de2009, despois da bancarrota dos Phoenix Coyotes, Gretzky dimitiu como adestrador e renunciou á súa propiedade. En outubro de 2016 pasou a ser socio e vicedirector do Oilers Entertainment Group.