Universidade de Pisa

A Universidade de Pisa (en italiano Università di Pisa) é unha das universidades máis prestixiosas de Italia. A súa sede encóntrase en Pisa, Toscana.

Universidade de Pisa
Datos xerais
Datos actuais
Datos de contacto
[ editar datos en Wikidata ]

A universidade forma parte do sistema universitario de Pisa, xunto coa Escola Normal Superior e o Colexio Santa Ana de estudos superiores.

A Universidade de Pisa é a única institución educativa italiana que pertence á prestixiosa organización Universities Research Association (URA), que reúne a 89 universidades punteiras de varios países do mundo, entre cuxos sus membros encóntrans as Universidades Stanford e Harvard, o Instituto Tecnolóxico de California ou o University College London.^[1]

Fundación

A Universidade foi fundada en 1343 polo papa Clemente VI,^[2] aínda que xa existían estudos de Dereito desde o Século XI. Posúe o xardín botánico académico máis antigo de Europa, fundado en 1544.

Titulacións

A Universidade de Pisa actualmente ofrece 260 titulacións de moi diversas disciplinas, que se agrupan en 20 departamentos, entre os que destacan os de Astrofísica, Enxeñaría, Medicina e Ciencias da computación, cuxo departamento, creado na década de 1960, está considerado o mellor de Italia nesta materia.^[1]

Alumnos notábeis

Pola Universidade de Pisa pasaron importantes personalidades da historia italiana e mundial, entre eles os premios Nobel Enrico Fermi, Giosuè Carducci e Carlo Rubbia, o astrónomo Galileo Galilei, o matemático Bonaventura Cavalieri, o naturalista Francesco Redi, os papas Clemente XII, León X e Paulo III, o político Carlo Azeglio Ciampi, o escritor Andrea Camilleri e o cineasta Mario Monicelli.

Galería

• 
  Palazzo alla Giornata, sede do reitorado
• 
  Palazzo della Sapienza, sede da Facultade de Dereito e da Biblioteca da Universidade
• 
  Claustro do Palazzo della Sapienza
• 
  Estatua de Galileo Galilei na Aula Magna histórica do Palazzo della Sapienza
• 
  Biblioteca Anglistica
• 
  Museo de Historia Natural. Gabinete da marabillas
• 
  Argonauta argo, do museo antecitado, usado por Linneo para describir a especie

Notas

1. Universidad de Pisa Arquivado 18 de marzo de 2021 en Wayback Machine. (en castelán).
2. Clemente VI recoñece o Studium Generale de Pisa en 1343.

Véxase tamén

Commons ten máis contidos multimedia sobre:  Universidade de Pisa

Ligazóns externas

• Páxina web oficial da Universidade de Pisa.
• Clemente VI recoñece o Studium Generale de Pisa en 1343.