From Wikipedia, the free encyclopedia
Uhuru, tamén coñecido como Explorer 42 e como SAS 1 (acrónimo de Small Astronomy Satellite 1), foi un observatorio espacial da NASA lanzado o 12 de decembro de 1970 mediante un foguete Scout B desde a plataforma de lanzamento San Marco.[1][2][3]
| Uhuru / Explorer 42 / SAS 1 | |
|---|---|
 Uhuru antes do lanzamento | |
| Tipo | Observatorio espacial |
| Organización | NASA |
| Destino actual | Reentrado na atmosfera.[1][2][3] |
| Data de lanzamento | 12 de decembro de 1970, 10:53 GMT[1][4][5][6] |
| Foguete portador | Scout B[1][3] |
| Sitio de lanzamento | Plataforma de lanzamento San Marco[1][2] |
| Obxectivo da misión | Astronomía en raios X.[1][2] |
| Decaemento | 5 de abril de 1979[4] |
| NSSDC ID | 1970-107A |
| Masa | 141,5 kg[1] |
| Dimensións | Cilindro de 56 cm de diámetro e 116 cm de longo.[1] |
| Potencia | 9,6 W[1] |
Uhuru foi o primeiro da serie de observatorios espaciais SAS para o estudo do ceo en lonxitudes de onda enerxéticas. A misión principal do observatorio foi facer un catálogo de fontes en raios X no rango entre 2 e 20 keV.[1][2][3]
O observatorio tiña forma de cilindro duns 56 cm de diámetro e 116 cm de longo. Do cilindro saían catro paneis solares que proporcionaban case 10 W de potencia e alimentaban unha batería de níquel-cadmio de 6 A-h de capacidade. Uhuru estabilizábase grazas a un volante de inercia e un sistema de control por torque magnético co que poder apuntar o eixo da nave a calquera punto do ceo. Tras finalizar a súa misión, o observatorio reentrou na atmosfera terrestre o 5 de abril de 1979.[1][2][3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
