Tristan Tzara
From Wikipedia, the free encyclopedia
Samuel Rosenstock, nado en Moineşti o 16 de abril de 1896 e finado en París o 25 de decembro de 1963, foi un escritor francés de orixe romanesa, máis coñecido polo pseudónimo de Tristan Tzara.
 | |
| Biografía | |
|---|---|
| Nacemento | (fr) Samuel Rosenstock 16 de abril de 1896 Moinești, Romanía |
| Morte | 24 de decembro de 1963 (67 anos) 7º distrito de París, Francia |
| Lugar de sepultura | Cemiterio de Montparnasse, 8 |
| Actividade | |
| Campo de traballo | Poesía, drama e Dadaísmo |
| Lugar de traballo | Francia Bucarest Xenebra |
| Ocupación | coleccionista de arte, artista de performance, compositor, crítico literario, debuxante, membro da resistencia francesa, fotógrafo, ensaísta, tradutor, poeta, dramaturgo, escritor, director de cinema, diplomático, activista |
| Período de actividade | 1912 - |
| Partido político | Partido Comunista Francés |
| Xénero artístico | Poesía e panfleto |
| Movemento | Dadaísmo e Surrealismo |
| Influencias | |
| Participou en | |
| Cabaret Voltaire (pt) | |
| Obra | |
Obras destacables | |
| Arquivos en | |
| Familia | |
| Cónxuxe | Greta Knutson-Tzara (1925–1942), divorcio |
| Fillos | Christophe Tzara |
| Descrito pola fonte | UbuWeb Obálky knih, |
  | |
Traxectoria
Residiu case toda a vida en Francia. Foi un dos autores máis importantes do movemento Dada, que fundou xunto con Hans Arp e Hugo Ball, unha corrente revolucionaria na literatura que anticipou as actitudes do surrealismo.
O movemento dadaísta orixinouse en Zürich, durante a primeira guerra mundial. Tzara escribiu os primeiros textos Dada — La Première Aventure céleste de Monsieur Antipyrine ("A primeira aventura celeste do señor Antipyrine", 1916) e Vingt-cinq poèmes (1918), así como os manifestos do movemento: Sept manifestes Dada ("Sete manifestos Dadá", 1924). En París organizou, cos seus compañeiros de movemento, espectáculos na rúa cheos de absurdismo para "épater le bourgeois" (escandalizar a burguesía) e deulle un poderoso impulso á escena dadaísta.
A finais de 1929 embarcouse no daquela recentemente inaugurado movemento surrealista de André Breton, Louis Aragon e outros autores. Dedicou gran esforzosa intentar conciliar as doutrinas filosóficas nihilistas e sofisticadas do movemento coa súa propia afiliación marxista. Participou activamente no desenvolvemento dos métodos de escritura automática, entre eles o collage e o cadáver exquisito. Desa época data o seu libro L'Homme approximatif ("O home aproximado", 1931).
Durante a segunda guerra mundial incorporouse á resistencia francesa. Tras obter a cidadanía en 1947, afiliouse ao Partido Comunista Francés. A súa militancia estenderíase ata 1956, cando, tras a invasión de Hungría polas tropas sovéticas para apagar a revolta popular, apartouse do partido. A súa obra da época é complexa, aínda que máis convencional que na súa xuventude. Nela salientan Parler seul ("Falar só", 1950) e La face intérieure ("A face interior", 1953).
Morreu en decembro de 1963 en París e foi enterrado no cemiterio de Montparnasse.
Obras
- La première aventure céléste de Mr Antipyrine (A primeira aventura celeste do Sr. Antipyrine), 1916
- Vingt-cinq poèmes, 1918
- Primeiro manifesto dadá, 1918
- "Anthologie Dada" (15 de maio de 1919) Dada (4/5)[1]
- Cinéma calendrier du coeur abstrait (Cinema calendario do corazón abstraído), 1920
- Sept manifestes dada (Sete manifestos dadá), 1924
- De nos oiseaux, Poèmes (Sobre os nosos paxaros), 1929
- L'homme approximatif (O home aproximado), 1931
- Où boivent les loups (Onde beben os lobos), 1933
- Midis gagnés: poèmes (Mediodías gañados), 1939
- Le Surréalisme et l’Après-guerre, 1947
- Entre-temps, 1946
- La fuite : poème dramatique en quatre actes et un épilogue, 1947
- Le Fruit permis: poèmes, 1947
- Parler seul (Falar só), 1950
- La face intérieure (A face interior), 1953
- La Rose et le chien (A rosa e o can), 1958
Notas
Wikiwand - on
Seamless Wikipedia browsing. On steroids.