Torre Ostankino

A Torre Ostankino (en ruso: Останкинская телебашня), situada en Moscova, capital da Federación Rusa, é con 537 metros de altura a torre de telecomunicacións máis alta de Europa e a segunda do mundo, sendo só superada pola Torre CN de Toronto, no Canadá. Entre as construcións en xeral, é a terceira máis alta, sendo a primeira o rañaceos Burj Dubai.

Torre Ostankino
Tipo	torre de telecomunicacións, sala de concertos, atracción turística e punto de referencia
Epónimo	Ostankinsky (pt)
Uso(s)	en funcionamento
Localización
55°49′11″N 37°36′42″L
Estado	Rusia
Capital	Moscova
Distrito administrativo	Distrito administrativo do nordeste (pt)
Distrito	Ostankinsky (pt)
Localización	Moscova
Rúa	Akademika Korolyova street (en)
Datas
Fundación	1967
Inauguración	1968
Acontecementos
	Ostankino Tower fire (en)
Dimensións
Altura	540,1 m
Pisos sobre o solo	120
Superficie	15.000 m²
Persoas e organizacións
Propietario/a	Russian Television and Radio Broadcasting Network (en)
Arquitecto/a	Nikolaí Vasilévich Nikitin (pt) , Leonid Ilitsj Batalov (pt) , Dmitriy Ivanovitsj Boerdin (pt) , Moisey Abramovitsj Sjkoed (pt) e Lev Nikolaevitsj Sjtsjipakin (pt)
Patrimonio cultural
Candidate heritage site in Russia (en)
Contacto
Páxina WEB	tvtower.ru
Redes
[ Wikidata ]

A torre foi construída entre 1963 e 1967. Durante oito anos foi a estrutura máis alta do mundo. O enxeñeiro que a proxectou foi Nicolai Nikitin, responsable por exemplo da estrutura da estatua ¡A Nai Patria chama! de 85 metros de altura.

Historia

Incendio

Incendio da Torre Ostankino no ano 2000.

O 27 de agosto de 2000 ocorreu un grande incendio na torre que se iniciou a unha altura de 460 metros e no que arderon tres pisos completamente. Durante a extinción do lume finaron tres persoas. Decenas de cables que sosteñen o edificio rompéronse pola calor, pero a pesar disto a torre resistiu en pé. Máis tarde estes cables foron repostos. Actualmente a súa reconstrución está paralizada, e por razóns técnicas non se instalou un elevador adicional. O 25 de maio de 2007 a torre incendiouse outra vez, porén este incendio non tivo consecuencias tan serias como o do ano 2000. Todas as persoas que estaban no interior da torre foron evacuadas e o lume foi extinguido sen problemas.

Restaurante

O restaurante O sétimo ceo atópase a unha altura de 328 metros e ocupa uns tres pisos. Ten forma circular e xira sobre o seu eixo cunha velocidade de entre unha e tres voltas por hora.^[1] En toda a súa historia, o restaurante e a plataforma de observación recibiron máis de 10 millóns de visitas.^[2] Na actualidade a plataforma de observación está reparada e desde o 7 de abril do ano 2009 realízanse excursións para grupos organizados. Porén o restaurante permanece pechado.

Bandeira

Ata o ano 1991 a bandeira da Unión Soviética estaba situada na parte superior da torre. O 12 de xuño de 2009, coincidindo co Día de Rusia izouse unha bandeira de Rusia de 2,5 metros de ancho e 5 de largo.^[3]

Servizos de Telecomunicacións

Televisión

Programa	Canal	Frequencia	ERP
Perviy Kanal	1	52 MHz	40 kW
TV Center	3	80 MHz
Sport	6	178 MHz	100 W
NTV	8	194 MHz
RTR	11	218 MHz	60 kW
TV Daryal	23	490 MHz	10 kW
Euronews	25	506 MHz
STS-Moscow	27	522 MHz
7 TV	29	538 MHz	10 kW
Domashny	31	554 MHz	20 kW
ORT, RTR, Eurosport, Euronews	32	562 MHz	1,3 kW
Culture	33	570 MHz	20 kW
TNT	35	586 MHz	2 kW
MTV	38	610 MHz
TV-3 Russia	46	674 MHz
REN-TV	49	698 MHz	1 kW
Muz-TV	51	714 MHz
ZVEZDA	57	762 MHz
2 X 2	60	786 MHz	5 kW

Radio

Estación	Frequencia	ERP
"Radio Russia", "Radio Podmoskovie", "Radiocompany Moscow"	66,44 MHz	15,0 kW
"Unost"	68,84 MHz	15,0 kW
"Mayak"	67,22 MHz	15,0 kW
"Europa Plus"	69,80 MHz	15,0 kW
"Russian Radio"	71,30 MHz	10,0 kW
"Orpheus"	72,14 MHz	15,0 kW
"Radio Retro"	72,92 MHz	15,0 kW
"Echo of Moscow"	73,82 MHz	10,0 kW
"Radio Retro"	88,30 MHz	1,0 kW
"Radio Jazz"	89,10 MHz	1,0 kW
"Classic Radio"	100,90 MHz	5,0 kW
"Dinamit FM"	101,2 MHz	10,0 kW
"Radio Maximum"	103,7 MHz	10,0 kW
"Russian Radio"	105,70 MHz	10,0 kW
"Europa Plus"	106,2 MHz	10,0 kW