Tino (illa)

Tino
	(it) Tino
Tipo	illa
Parte de	Portovenere, Cinque Terre e as Ilhas (Palmaria, Tino e Tinetto) (pt)
Localización
División administrativa	Portovenere, Italia
	44°01′38″N 9°51′02″L
Bañado por	Mar de Liguria
Características
Superficie	0,127 km²; Patrimonio da Humanidade: 13,31 ha
Parte dun sitio do Patrimonio da Humanidade
Data	1997 (21ª Sesión)
Identificador	826-003

Tino é unha illa de Italia situada no mar da Liguria, no extremo occidental do Golfo de La Spezia. Forma parte dun arquipélago de tres illas que queda ao sur do continente en Portovenere. A máis grande das tres, Palmaria, atópase ao norte e a pequena Tinetto ao sur.

Datos rápidos Tipo, Parte de ...

Pechar

En 1997, o arquipélago, xunto con Portovenere e as Cinque Terre, foron designadas como Patrimonio da Humanidade pola UNESCO.

O santo patrón do golfo de La Spezia, San Venerio, o ermitán, viviu na illa como un eremita e máis tarde como Abade, ata a súa morte no 630. ^[1] A súa festa celébrase aquí anualmente o 13 de setembro. Crese que se construíu un santuario no lugar da morte de Venerio para conter os seus restos e que este foi ampliado para construír un mosteiro no século XI. Os restos do mosteiro pódense ver na costa norte da illa.

Hoxe a illa, que forma parte dunha zona militar, está coroada polo faro de San Venerio.

Pódese considerar a illa de Tino, entre as tres illas do Golfo, como a illa "intermedia" tanto polo seu tamaño como pola súa posición. Ao norte atópase a illa de Palmaria, a máis vasta, mentres que ao sur da illa atópase o illote de Tinetto, de dimensións moito menores. Estas illas non están moi afastadas de Tino, están a poucas decenas de metros. A superficie da illa é de aproximadamente 0,13 km², o seu perímetro chega a 2 km. Na cume da illa instalouse un faro desde o 1840, o faro de San Venerio.

Visitas

Actualmente a superficie da illa é totalmente utilizada como zona militar. É por esta razón que ata hai pouco só era posible visitar a illa o día da festa do santo, o 13 de setembro de 8:00 a 18:00. É o día de San Venerio, patrón do Golfo de La Spezia e dos gardas italianos. Para máis información póñerse en contacto coa diocese de La Spezia-Sarzana-Brugnato, tel. (0039) 0187 734 424. Como a illa é un territorio militar, está prohibido ancorar nela e supervisase a navegación ao longo das súas costas.