Tensi Gesteira

Tensi Gesteira Estévez, máis coñecida como Tensi Gesteira, nada en Valeixe (A Cañiza) o 18 de xuño de 1992, é unha xornalista galega.

Tensi Gesteira

Biografía
Nacemento	18 de xuño de 1992 (32 anos) Valeixe, España
Educación	Universidade de Santiago de Compostela
Actividade
Ocupación	xornalista

Traxectoria

Orixinaria da Cañiza pasou a residir en Bueu. Estudou secundaria no IES da Cañiza e graduouse en xornalismo na Universidade de Santiago de Compostela.

En 2016 comezou a exercer de xefa de prensa no concello de Bueu.^[1]

Colaborou en diferentes xornais galegosː El Correo Gallego^[2], Galicia Confidencial (sección A arte é azul)^[3] e Nós Diario^[4].

Desde 2012 é creadora e administradora do blog Lecturafilia “Leer es vivir dos veces”ː

unha páxina literaria que leva implícito no seu nome ese amor que sinto polos libros. Este é un espazo onde se publican recensións dos libros que estou lendo (noticias, clásicos e de todo tipo), así como outros contidos relacionados co mundo da literatura: reflexións e análises, citas de autores, entrevistas, retos literarios ...^[5]

Premios

• 2018: Foi galardoada na segunda edición dos Premios Provinciais á Xuventude, que concede a Deputación de Pontevedra co segundo premio na categoría de blogs por Lecturafilia.^[6]
• 2019: 3º mellor espazo literario na rede por Fervenzas Literarias a Lecturafilia.^[7]

• 

  Nunha presentación da Libraría Miranda de Bueu con María Oruña en 2021

  2020: Finalista en Proxecto literario na rede na Gala do Libro Galego por Lecturafilia.^[8]

Notas

1. Jerónimo (2016-04-19). "Blog de Administración Local: BOPPO PONTEVEDRA 19/04/2016". Blog de Administración Local. Consultado o 2020-04-23.
2. "Monográficos. Catedral". www.elcorreogallego.es. Consultado o 2020-04-23.^{[Ligazón morta]}
3. "Galicia Confidencial (GC) - Artigos de A arte é azul - Tensy Gesteira". www.galiciaconfidencial.com. Consultado o 2020-04-23.
4. Gesteira, Tensi. "A crítica literaria feminista na Galiza". Nós Diario. Consultado o 2020-04-23.
5. dice, Alfredo (2012-08-22). "Sobre Lecturafilia". Lecturafilia (en castelán). Consultado o 2020-04-23.
6. "Tensi Gesteira gaña un dos Premios á Xuventude polo seu blog "Lecturafilia"". Faro de Vigo. Consultado o 2020-04-23.
7. Redacción. "Os mellores do 2019". fervenzasliterarias.gal. Arquivado dende o orixinal o 24 de xaneiro de 2020. Consultado o 2020-04-23.
8. "Finalistas da Gala do Libro Galego 2020". Asociación Galega de EDITORAS. 2020-03-04. Consultado o 2020-04-23.

Véxase tamén

Ligazóns externas

• Blog Lecturafilia
• Lecturafilia no Facebook