Türk Telekom Arena
From Wikipedia, the free encyclopedia
O Türk Telekom Arena é un estadio localizado no distrito de Şişli, ao norte de Istambul, no estado de Turquía, no que xoga como local o Galatasaray SK. O recinto ten capacidade para acoller a 52.652 persoas nas bancadas.
| Türk Telekom Arena | ||||
|---|---|---|---|---|
 | ||||
| Tipo | estadio de fútbol | |||
| Estilo | arquitectura high-tech | |||
| Custo | € 160.000.000 | |||
| Localización | ||||
| ||||
| Estado | Turquía | |||
| Provincia | provincia de Istambul | |||
| Distrito | Sarıyer | |||
| Localización | Istambul, Turquía | |||
| Datas | ||||
| Inauguración | 15 de maio de 2011 | |||
| Dimensións | ||||
| Capacidade | 52.652 (nacional) 55.000 (internacional) | |||
| Tipo superficie | Céspede | |||
| Persoas e organizacións | ||||
| Propietario/a | AEG GmbH | |||
| Arquitecto/a | Mete Arat | |||
| Operador/a | Galatasaray Spor Kulübü | |||
| Ocupante | Galatasaray Spor Kulübü | |||
| Deporte | ||||
| Deporte | fútbol | |||
| Localía | Galatasaray | |||
| Contacto | ||||
| Páxina WEB | turktelekomarena.com.tr | |||
| Redes | ||||
| [ Wikidata ] | ||||
Historia
En 2006 foi inaugurado o novo estadio do Fenerbahce (máximo rival do Galatasaray), o Şükrü Saracoğlu Stadium, con capacidade para acoller mais de 50.000 seareiros. Aquela obra provocou que o Galatasaray sentise a necesidade de facer o mesmo que o seu rival, xa que no seu estadio, o Ali Sami Yen, só collían 23.477 persoas.
Nuns primeiros intres houbo propostas para derrubar o vello recinto e construír un novo estadio mais grande e moderno no mesmo sitio. Non obstante, viuse que esa opción non era posible, xa que non había espazo abondo. O 11 de maio de 2007 anunciouse o plan para construír un novo estadio en Şişli, o distrito financeiro mais importante da cidade e do país.
As obras remataron en 2010 e o estadio foi inaugurado o 15 de xaneiro de 2011 nun encontro amigable fronte o Ajax Amsterdam que rematou sen goles.
Características
O estadio Turk Telekom Arena foi construído cun tellado que se pode poñer ou quitar mecanicamente segundo conveña, característica que o fai idóneo para eventos como concertos. O primeiro concerto que se celebrou neste recinto foi o de Bon Jovi o 8 de xullo de 2011.
As medidas do campo de xogo son 105x68 metros. Nas bancadas collen 52.652 persoas, con 213 palcos vip. O estadio ten a súa propia estación de metro, e 3225 prazas de aparcadoiro.
O nome orixinal do estadio era Ali Sami Yen Spor Kompleksi, nome que aínda se emprega nos encontros pertencentes ás competicións da UEFA. Non obstante, no campionato turco o estadio recibe o nome Türk Telekom Arena por mor do acordo publicitario que asinaron o Galatasaray e a empresa turca de telecomunicacións Türk Telekom, un acordo por 10 anos e 10'25 millóns de dólares por ano.
Véxase tamén
 |
Wikimedia Commons ten máis contidos multimedia na categoría: Türk Telekom Arena  |
Ligazóns externas
Wikiwand - on
Seamless Wikipedia browsing. On steroids.