From Wikipedia, the free encyclopedia
Species Plantarum, (abreviado Sp. Pl.), é unha obra sobre botánica que foi publicada en 1753, coma un traballo en dous volumes por Carl von Linné. A súa principal importancia radica en que é o punto de partida da nomenclatura botánica que se usa hoxe en día. Isto quere dicir que non se aceptan como "validamente publicados" os nombs de taxóns anteriores á data de publicación deste libro, e os primeiros táxones "validamente publicados" son os que aparecen neste libro.
| Species Plantarum | |
|---|---|
 | |
| Título orixinal | Species plantarum |
| Autor/a | Carl von Linné |
| Orixe | Suecia |
| Lingua | lingua latina |
| Tema(s) | nomenclatura botânica |
| [ editar datos en Wikidata ] | |
Contiña todas as plantas coñecidas daquela, e permitía a doada identificación das mesmas mediante un sistema de clasificación que as agrupaba en especies, xéneros, ordes e clases. Mediante o conteo de pistilos e estames, calquera persoa, aínda sen moitos coñecementos sobre plantas, era quen de chegar ao nivel do xénero ao que a planta pertencía.
Estableceu os nomes das especies como un nome binominal e agrupounas en xéneros e familias, dando orixe ás categorías taxonómicas.
O volume nº 1 da primeira edición abrangue 11 páxinas sen numerar nas páxinas de introdución e do 1 ó 560, mentres que o volume 2 contén as páxinas 561 a 1.200, máis 31 páxinas sen numerar de índice, adicións e erros.
Logo da súa primeira edición, esta obra tivo varias edicións, continuando despois de que o seu autor finase. Species Plantarum tamén marca o punto de partida dun grande auxe na popularidade da ciencia, e podería dicirse que é unha das publicacións máis importantes da bioloxía.
Linné publicou a segunda e maila terceira edición desta obra. A segunda, en dous volumes, foi publicada en 1762-1763, coas páxinas de correccións e material complementario. A terceira edición foi en realidade moi semellante á segunda, mais coas correccións e material complementario integrado no texto, e publicouse en 1764.
Logo da morte de Linné, Carl Ludwig Willdenow levou a cabo unha nova edición, moi ampliada, do traballo. Esta edición titulouse Editio Quarto , ou "Cuarta Edición", e foi publicada en seis volumes, en trece partes, desde 1797 até 1830, e foi terminada despois da morte de Willdenow. A sexta edición foi publicada por Heinrich Friedrich Link e Albert Gottfried Dietrich en dous volumes en 1831-1833.
 |
Wikimedia Commons ten máis contidos multimedia na categoría: Species Plantarum  |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
