Simone Klein Ansaldy, nada en Barcelona o 29 de maio de 1919 e finada en Madrid o 2 de xullo de 2008, foi unha escritora culinaria española de best sellers, coñecida como Simone Ortega.
| Biografía | |
|---|---|
| Nacemento | 29 de maio de 1919  Barcelona, España |
| Morte | 2 de xullo de 2008 (89 anos) Madrid, España |
| Actividade | |
| Campo de traballo | Gastronomía, libro de receitas e receita (pt)  |
| Lugar de traballo | Madrid |
| Ocupación | escritora, cociñeira |
| Familia | |
| Cónxuxe | José Ortega Spottorno |
 | |
Naceu en Barcelona, nunha familia orixinaria de Alsacia e publicou o seu primeiro e máis vendido libro, 1080 recetas de cocina en 1972. Estivo casada co editor José Ortega Spottorno, fillo do filósofo José Ortega y Gasset e fundador do xornal El País, ata a morte del en 2002.[1]
O seu best seller 1080 recetas de cocina vendeu máis de 3,5 millóns de exemplares en España dende que se publicou por primeira vez,[2] e en 2007 levaba 48 edicións.[3] En 1987 recibiu o Premio Especial de Gastronomía de España, ao que seguiu o Premio Especial de Comida de España en 2006.[2] Ao outorgar o último premio, o xurado falou de "unha vida enteira dedicada a aconsellar e ensinar aos consumidores sobre cociñar ben e a boa cociña, con especial énfase na calidade dos produtos nacionais".[2] No 2006 tamén recibiu do goberno francés a Orde das Artes e das Letras nunha cerimonia en Madrid, en que Ortega comentou que "máis que ningunha outra cousa, a cociña é o que levou a Francia e a España a achegarse".[2]
Ademais de escribir libros de cociña, Ortega tivo unha columna na revista ¡Hola!, e era colaboradora habitual de varios programas de radio.[4] Os seus últimos libros foron escritos en colaboración coa súa filla, Inés Ortega Klein, chef e autora de libros de cociña.[4]
- 1.080 recetas de cocina (1972)
- Nuevas recetas de cocina (1984)
- Quesos españoles (1987)
- La cocina de Madrid (1987)
- El libro de los potajes, las sopas, las cremas y los gazpachos (1988)
- Las mejores recetas de Simone Ortega (1990)
- El Libro de Los Platos de Cuchara (2004)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
