cantante canadense From Wikipedia, the free encyclopedia
Shawn Peter Raul Mendes, nado en Toronto o 8 de agosto de 1998, é un músico e cantante canadense. Comezou a gañar notoriedade a mediados de 2013, coa publicación das interpretacións que facía de cancións populares. O ano seguinte chamou a atención do representante Andrew Gertler e o xefe de A & R de Island Records, Ziggy Chareton, que o levaron a Nova York para asinar un contrato coa devandita discográfica. En 2015 lanzou o primeiro álbum, Handwritten, que tivo un grande éxito nos Estados Unidos ao entrar no número 1 do Billboard 200, así como o sinxelo Stitches, que entrou nos dez mellores postos do Billboard Hot 100 nos Estados Unidos e o Canadá e acadou o número un na lista de sinxelos do Reino Unido.
 | Atención: Este artigo ou apartado precisa dun traballo de revisión.
Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde marzo de 2019) |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2019.) |
 | |
| Biografía | |
|---|---|
| Nacemento | (mul) Shawn Peter Raul Mendes  8 de agosto de 1998 (26 anos)Pickering (Canadá) |
| Outros nomes | Shawn Mendes |
| Educación | Pine Ridge Secondary School (en)  (–2016) |
| Actividade | |
| Campo de traballo | Industria musical, canto, compositor de cancións, música, música pop e música popular |
| Ocupación | cantante, modelo, compositor, compositor de cancións, guitarrista, pianista |
| Período de actividade | 2013 - |
| Xénero artístico | Folk-pop, música pop e pop rock |
| Representante | Andrew Gertler (en) |
| Tesitura | Tenor lírico lixeiro |
| Instrumento | Guitarra, piano e voz |
| Selo discográfico | Island Records Universal Music Group |
| Familia | |
| Parella | Camila Cabello (2023–2023) Jocelyne Miranda (2022–) Camila Cabello (2019–2021) |
| Premios | |
| |
 | |
| Descrito pola fonte | Obálky knih,  |
| Páxina web | shawnmendesofficial.com |
                      | |
Naceu o 8 de agosto de 1998 en Pickering, ao leste de Toronto, no Canadá. O seu nome completo é Shawn Peter Raul Mendes. É fillo de Karen, axente inmobiliaria, e Manuel Mendes, empresario de bares e restaurantes en Toronto. O seu pai é portugués do Algarve, mentres que a súa nai é inglesa. Ten unha irmá máis nova chamada Aaliyah, que tamén canta.
En 2012, Mendes aprendeu a tocar a guitarra en YouTube. A mediados de 2013, comezou a publicar videoclips de cancións versionadas en Vine, e en agosto do mesmo ano, cando subiu unha versión acústica de "As Long As You Love Me" de Justin Bieber, popularizouse na aplicación. O vídeo obtivo moitas visualizacións e a partir de aí o artista gañou un gran número de seguidores nuns poucos meses. Un mes despois da súa primeira aparición en Vine, realizou o seu primeiro concerto en Toronto ante seiscentas persoas, que cando comezou, só o fixo por diversión, pero logo de darse conta de que ninguén máis usaba a rede social para mostrar as súas habilidades de cantar, viu unha grande oportunidade e decidiu dedicarse a el. Creou unha forte relación cos seus seguidores e ás veces pediu suxestións de cancións para interpretalo.En xaneiro de 2014, Andrew Gertler, un representante que traballou para unha división de Warner Music Group, viu The Voice e escoitou "Say Something" de A Great Big World. Gertler pensou que "Say Something" era un tema interesante para versionar, entón foi a YouTube para buscalo, e descubriu a versión de Mendes, que tiña moitas visualizacións. Gertler quedou fascinado polo talento do artista e sobre todo pola súa notoriedade nas redes sociais, así que contactou coa nai de Mendes. O director mostrou o videoclip ao seu amigo e director de A & R de Island Records, Ziggy Chareton, e convenceu aos pais de Mendes de levalo á sede de Island en Nova York para reunirse co presidente, David Massey. Mendes embarcou nunha xira musical como membro do MagCon Tour con outros novos artistas.
O 14 de abril de 2015, Mendes lanzou o seu primeiro álbum de estudio Handwritten, que na súa primeira semana ocupou o posto número 1 do Billboard, vendéronse máis de 370.000 unidades nos Estados Unidos. Á súa venda nese territorio, a Asociación da Industria da Gravación de América (RIAA) concedeulle a certificación de platino. O terceiro sinxelo do álbum, "Stitches", alcanzou o número 4 no Billboard Hot 100 e converteuse no primeiro tema de Mendes que entrou nos dez primeiros nos Estados Unidos, onde vendeu máis de 2,3 millóns de copias e recibiu a certificación de tripla etiqueta de platino pola RIAA.
En novembro de 2015, Mendes estreou unha reedición do seu álbum debut titulado Handwritten Revisited, que consiste en todas as cancións do álbum orixinal, algunhas delas realizadas en vivo e catro novas cancións, incluíndo o single "I Know What You Did Last Summer" ten a participación vocal de Camila Cabello, de Fifth Harmony. A canción obtivo o número 20 no Hot 100 de Billboard, realizaron unha posta en escena do tema nos People's Choice Awards de 2016, onde Mendes gañou o premio novo artista favorito. En marzo de 2016, comezou o seu segundo tour musical Shawn Mendes World Tour nos Estados Unidos e o Canadá e tamén fixo presentacións en Europa.
A principios de xuño de 2016, Mendes lanzou "Treat you better" como o único líder do seu segundo álbum Illuminati, e chegou a ser o seu segundo tema entre os dez primeiros nas listas de éxitos Billboard Hot 100.
O 25 de maio de 2018, case dous anos despois do seu último lanzamento, Mendes lanzou o seu terceiro álbum de estudio, Shawn Mendes. O álbum conta cunha lista de 14 cancións, incluíndo 5 individuais. Grazas a este disco, o artista conseguiu os seus dous primeiros nomeamentos aos Premios Grammy, o máis importante recoñecemento de música, na versión de 2019, nas categorías "Canción do Ano" pola canción In My Blood, e "Mellor Álbum Vocal de pop. "
Na súa infancia foi influenciado polo reggae que os seus pais adoitaban escoitar. Tamén lembra escoitar sempre obras de Led Zeppelin, e música country de Garth Brooks. En 2015 dixo que as súas principais influencias naquela época eran John Mayer e Ed Sheeran.
 |
Wikimedia Commons ten máis contidos multimedia na categoría: Shawn Mendes  |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
