From Wikipedia, the free encyclopedia
Shaun Tan, nado en Fremantle, Australia Occidental no 1974, é un ilustrador e autor de libros infantís australiano. Entre as súas obras destacan The Red Tree, The Lost Thing e The Arrival.
De neno ilustraba contos e poemas e tamén debuxaba dinosauros, naves espaciais e robots eran a súa paixón. Na escola coñecíano como un artista con moito talento. Foi aos once anos cando se fixo fan da serie The Twilight Zone, así como de libros con temas parecidos. Todas estas historias foron o que o impulsaron a escribir os seus propios contos. Finalmente logrou un grande éxito coas súas ilustracións; e aos dezaseis anos apareceu o seu primeiro debuxo na revista australiana Aurealis no 1990.
Tan estudou para converterse en xenético, e gozou da química, da física, da historia e do inglés na escola secundaria así coma a arte, e afirmou que nunca tivo claro o que quería facer coa súa vida, incluso na universidade. Adentrouse nos estudos universitarios, universidade de Melbourne, pero pronto os abondou e comezou a traballar como artista. Tomou esta decisión porque apaixonáballe a idea de poder gañarse a vida co debuxo e coa pintura.
Tan asistiu ao Balcatta Senior High School, onde foi inscrito a un programa de arte especial para estudantes dotados e talentosos. A principal vantaxe, dicía Shaun, era que os estudos chegaron a ser impartidos por unha ampla gama de artistas con talento. Rematou este curso no ano 1991. Continuou a súa educación na universidade de Melbourne, onde volveu e estudou Belas Artes, Literatura e Historia Inglesa. Graduouse no 1995, cun Bacharelato de Arte.
Orixinalmente Tan, traballou en branco e negro porque as reproducións finais imprímense desa maneira. Emprega para as súas ilustracións plumas, tintas, carbóns, fotocopias, linóleos... A pintura actual de Tan aínda funciona como monocromática. Usa un lapis de grafito para facer os seus esbozos. Os debuxo reprodúceos a continuación varias veces, nas que varía e agrega ou quita partes. O corte e a idea do collage están presentes nestas primeiras etapas e a miúdo esténdense en moitas das súas ilustracións empregando diversos materiais como vidro, metal, insectos mortos....
O propio Shaun Tan descríbese a si mesmo como un traballador lento, que revisa os seus traballos unha e outra vez. Está interesado na perda da aliñación, e cre que os nenos, en particular reaccionan ben ante as cuestións da xustiza natural. Séntese como un tradutor de ideas, e é feliz e alagado ao ver as súas obras adaptadas e interpretadas no cinema e na música.
 | Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
Shaun Tan gañou máis de cincuenta premios dende o ano 1992.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
