Unha serie de animación é un conxunto de episodios animados cun título común, polo xeral relacionados entre si. Estes episodios normalmente comparten os mesmos personaxes principais, algúns personaxes secundarios diferentes e un tema básico. As series poden ter un número finito de episodios como unha miniserie, un final definido ou ser de final aberto, sen un número predeterminado de episodios. Pódense emitir en televisión, exhibirse en salas de cinema, estrearse directamente en vídeo ou en Internet. Do mesmo xeito que os filmes de animación, as series de animación poden ser dunha gran variedade de xéneros e tamén poden ter diferentes públicos obxectivos demográficos.
A primeira serie animada de televisión foi Crusader Rabbit. As comedias animadas apareceron por primeira vez na década de 1960, con Os Picapedra (1960-1966) seguida por Os Supersónicos (1962-1987).
Os anos 1980 e 1990 foron un renacemento das series de televisión de debuxos animados para nenos e adultos. Varias cadeas de televisión e empresas de medios de comunicación comezaron a crear canles de televisión e formatos deseñados especificamente para emitir series de debuxos animados. Por outra banda, as empresas que xa tiñan este tipo de formatos comezaron a anovar os seus modelos existentes durante ese tempo. Exemplos disto son:
- Cartoon Network
- Fox Kids
- Kids' WB
- UPN Kids
- Nickelodeon
- Nick Jr.
- Nicktoons
- Disney Channel
- Disney XD
- Disney Junior
- Boomerang
- ABC Kids
- The Animation Station
- Cartoon Quest
- USA Action Extreme Team
- USA Cartoon Express
- CBS Kidshow
- CBBC
Durante a década de 1990, comezaron a aparecer series de contido máis maduro respecto dos debuxos animados tradicionais, elevando a idade do seu público principal. Estas series de debuxos animados inclúen: The Simpsons, Beavis and Butt-Head, King of the Hill, Duckman, South Park e Family Guy. ReBoot, que comezou como unha presentación amigable para os nenos, desprazou o seu grupo de idade para maiores de 12 anos (South Park é a partir dos 18 anos), resultando nunha historia máis escura e máis madura.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
