San Xosé de Ribarteme, As Neves

San Xosé de Ribarteme é unha parroquia que se localiza no concello das Neves. Segundo o padrón municipal de 2008 tiña 286 habitantes (138 mulleres e 148 homes), distribuídos en 19 entidades de poboación, o que supón unha diminución en relación ao ano 2004 cando tiña 314 habitantes.

Para outras páxinas con títulos homónimos véxase: San Xosé e Ribarteme.

San Xosé de Ribarteme
Panorámica do val de Ribarteme.
Concello	As Neves[1]
Provincia	Pontevedra
Coordenadas	42°06′52″N 8°23′47″O
Poboación	238 hab. (2017)
Entidades de poboación	20[1]
[ editar datos en Wikidata ]

No tocante á súa xeografía posúe dous elementos relevantes: o monte San Nomedio, de 690 metros de altitude e que domina toda a parroquia, e o río Termes, afluente do Miño e que transcorre por ela.

Nesta parroquia naceu o sacerdote Manuel Gómez González.

Romarías

Cada 29 de xullo celébrase a romaría de Santa Marta, que posúe como singularidade unha famosa procesión de cadaleitos arredor da igrexa parroquial. Dentro dos cadaleitos van persoas vivas que deste xeito agradécenlle á santa a súa axuda na cura dalgunha doenza. Trátase dunha das romarías máis antigas de Galiza. Segundo o xornal británico The Guardian trátase da segunda festa máis curiosa do mundo ^[2] e foi, ademais, obxecto dun documental que a produtora catalá Mago Productions encargou aos profesores australianos Claudia Terstappen e Greg Wallif^[3]

Galería de imaxes

• 
  As Pedriñas e O Coto de Lobos
• 
  Bubela fotografada en San Xosé de Ribarteme
• 
  Igrexa
• 
  O Coto de Lobos
• 
  Outono en Sancharredonda

Lugares e parroquias

Lugares de San Xosé de Ribarteme

Lugares da parroquia de San Xosé de Ribarteme no concello das Neves (Pontevedra)
O Areal | Babareira | Bocas | Casal da Vila | A Cernada | A Cortegosa | O Cotiño | O Coto de Lobos | O Coto | Currás | A Estrema | A Muradella | O Outeiro | As Pedriñas | A Portela | Quinteiro | Rodeiro | Rubial | Sancharredonda | Zafal

Parroquias das Neves

Galicia | Provincia de Pontevedra | Parroquias das Neves
Batalláns (Santa Eulalia) | Cerdeira (San Xoán) | Liñares (Santa María) | As Neves (Santa María) | Rubiós (San Xoán) | San Cibrán de Ribarteme (San Cibrán) | San Pedro de Batalláns (San Pedro) | San Xosé de Ribarteme (San Xosé) | Santiago de Ribarteme (Santiago) | Setados (Santa Euxenia) | Taboexa (Santa María) | Tortoreos (Santiago) | Vide (Santa María)

Notas

1. Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
2. "Five best...weird festivals", artigo en The Guardian, 28 de xuño de 2008 (en inglés)
3. "Dous australianos rodan un documental en Santa Marta sobre as festas relacionadas coa morte, artigo en La Voz de Galicia, 29 de xullo de 2010.

Véxase tamén

Outros artigos

• Lugares das Neves