STS-9

STS-9 foi unha misión do transbordador espacial Columbia lanzada o 28 de novembro de 1983 desde a rampla 39A do Centro de Lanzamento de Cabo Cañaveral.^[2][3][5][6]

STS-9
Lanzamento da misión STS-9.
Tipo	Tripulado
Organización	NASA
Data de lanzamento	28 de novembro de 1983, 16:00 GMT[1][2][3][4]
Foguete portador	Transbordador espacial[3][5]
Sitio de lanzamento	Centro de Lanzamento de Cabo Cañaveral, rampla 39A[3][6]
Duración da misión	10,32 días[6]
Obxectivo da misión	Experimentos no laboratorio Spacelab.[3][6]
Regreso	8 de decembro de 1983[6]
Sitio de regreso	Base Edwards da Forza Aérea
NSSDC ID	1983-116A
v c e

Características

STS-9, con seis astronautas a bordo, foi lanzada co laboratorio europeo Spacelab por primeira vez na bodega de carga para facer experimentos en microgravedade. A tripulación estaba formada polo comandante John W. Young, o piloto Brewster H. Shaw, os especialistas de misión Owen K. Garriott e Robert A. R. Parker e os especialistas de carga Byron K. Lichtenberg e Ulf Merbold.^[3][5][6][7]

Durante a misión o módulo Spacelab albergou experimentos sobre física atmosférica e observación da Terra, física de plasma, astronomía e física solar e ciencia de materiais e biolóxicas. Foi a primeira vez en que seis persoas viaxaron ao espazo no mesmo vehículo.^[3][5][6][7]

O transbordador regresou a terra na Base Edwards da Forza Aérea o 8 de decembro de 1983. Durante a aterraxe dúas das tres unidades xeradoras de enerxía auxiliares prenderon lume.^[3][5][6][7]