Rosa Maria Sardà

Rosa Maria Sardà
	; (2012)
Biografía
Nacemento	(ca) Rosa Maria Sardà i Tàmaro ; 30 de xullo de 1941 ; Barcelona, España
Morte	11 de xuño de 2020 (78 anos); Barcelona, España
Causa da morte	Linfoma
Actividade
Ocupación	director teatral, actriz de cinema, actriz, actriz de teatro, humorista, presentadora de televisión, directora de cinema
Período de actividade	1969 - 11 de xuño de 2020
Participou en
30 de abril de 1997	Documento sobre o uso das linguas oficiais de Cataluña
Familia
Cónxuxe	Josep Maria Mainat , divorcio
Fillos	Pol Mainat Sardà
Irmáns	Javier Sardà
Premios
	(2016) Premio Gaudí de Honra; (2015) Premios Max; (2010) Medalla de Oro (en) ; (2009) Premis Internacionals Terenci Moix (en) ; (2004) Butaca Award for best theater actress (en) , premiado polo traballo Wit (en) ; (2003) Premios Fotogramas de Prata; (2001) Premio Goya á mellor interpretación feminina secundaria, premiado polo traballo No Shame (en) ; (1997) Butaca Award for best Catalan film actress (en) , premiado polo traballo Actrius (en) ; (1994) Creu de Sant Jordi; (1993) Premio Goya á mellor interpretación feminina secundaria, premiado polo traballo Why Do They Call It Love When They Mean Sex? (en) ; (1980) Premio Memorial Margarida Xirgu; (1979) Premios FAD Sebastià Gasch ;

Rosa Maria Sardà Tàmaro, nada en Barcelona o 30 de xullo de 1941 e finada en Barcelona o 11 de xuño de 2020, foi unha actriz, humorista, presentadora e directora teatral catalá. Comezou como actriz cómica, rexistro que nos últimos anos combinou co de intérprete dramática en castelán e en catalán.

Datos rápidos Biografía, Nacemento ...

Pechar

Rosa Maria pertence a unha familia de persoas do espectáculo: estivo casada co tamén actor Josep Maria Mainat, membro do trío cómico La Trinca, e é irmá máis vella do xornalista Xavier Sardà.^[1] Ten tres irmáns máis novos, un deles, faleceu por causa da sida nos anos 1980.^[2] Ten un fillo actor, Pol Mainat,^[3] co que coincidiu en Abuela de verano.

De formación autodidacta, empezou a facer teatro de afeccionados no barrio de Horta. En 1962 pasou ao teatro profesional, á compañía de Dora Santacreu e Carlos Lucena, coa obra Cena de matrimonios, de Alfonso Paso e, desta mesma compañía, pasou á de Alejandro Ulloa e, posteriormente, tamén á de Pau Garsaball, coa obra En Baldiri de la Costa.

Con posterioridad, deu o salto no campo televisivo (en 1975, protagoniza Una vella, coneguda olor, baseada na obra de Josep Maria Benet, e 1979 presenta o programa Festa amb Rosa Maria Sardà) e o cinematográfico (con El vicario de Olot, de Ventura Pons).

Salientou no cinema nos últimos anos da década de 1980, época na que participou en filmes como Moros y cristianos (1987), de Luis García Berlanga,^[1] e en programas para televisión en España como Olé tus vídeos e Ahí te quiero ver, onde ademais de presentar, elaborou e supervisou os guións e dirixiu e interpretou os diferentes sketchs,^[4] e fixo o seu debut como directora de teatro con Ai carai! (1989), comedia do dramaturgo Josep Maria Benet.^[5]

Na década de 1990 traballou con Fernando Colomo en El efecto mariposa, con Ventura Pons en Carécies e Amic/Amat, con Francesc Betriu en La duquesa roja e con Fernando Trueba en La niña de tus ojos, sendo candidata ao Premio Goya á mellor interpretación feminina secundaria, premio que gañaría dúas veces por ¿Por qué lo llaman amor cuando quieren decir sexo?, de Manuel Gómez Pereira, e Sin vergüenza, de Joaquín Oristrell.^[6]

Ademais, ten sido mestra de cerimonias dos Premios Goya en tres ocasións, en 1993, 1998 e 2001 e reapareceu como presentadora ao final da Gala de 2009 e 2010.

Nos últimos anos a súa carreira ten estado máis ligada ao teatro, onde salientan varios papeis como o da doutora Vivan Bearing en Wit (2004), de Margaret Edson e n'A casa de Bernarda Alba (2009), de Federico García Lorca, interpretando o papel de Poncia xunto a Núria Espert.

Con todo, seguiu participando en filmes tan recoñecidos como Todo sobre mi madre (1999) de Pedro Almodóvar, Te doy mis ojos (2003) de Icíar Bollaín e Ocho apellidos catalanes (2015) de Emilio Martínez-Lázaro.

Cinema

El vicario de Olot (1980)
La ràdio folla (1986)
Moros y cristianos (1987)
Un submarí a les tovalles (1990)
Rateta, rateta (1990)
Ho sap, el ministre? (1991)
¿Por qué lo llaman amor cuando quieren decir sexo? (1992)
La fiebre del oro (1993)
El cianuro... ¿solo o con leche? (1993)
Escenas de una orgía en Formentera (1994)
Enciende mi pasión (1994)
L'enfonsament del Titanic (1994)
Alegre ma non troppo (1994)
Suspiros de España y Portugal (1995)
Pareja de tres (1995)
El efecto mariposa (1995)
La duquesa roja (1996)
Actrius (1996)
Siempre hay un camino a la derecha (1997)
Grandes ocasiones (1997)
Carícies (1997)
Airbag (1997)
Mátame mucho (1998)
La niña de tus ojos (1998)
Amic/Amat (1998)
Todo sobre mi madre (1999)
Anita no pierde el tren (2000)
Torrente 2, misión en Marbella (2001)
Sin vergüenza (2002)
El viaje de Carol (2002)
El embrujo de Shanghai (2002)
Dos tipos duros (2002)
Deseo (2002)
A mi madre le gustan las mujeres (2002)
Te doy mis ojos (2003)
Vete de mí (2006)
Chuecatown (2007)
Barcelona (un mapa) (2007)
Rivales (2008)
La vida empieza hoy (2010)
Maktub (2011)
Any de Gràcia (2012)
Rey gitano (2015)
Ocho apellidos catalanes (2015)

Teatro

Lista incompleta^[7]

Duet per a violí (1982)
Yo me bajo en la próxima, ¿y usted? (1982)
Madre Coraje y sus hijos (1986)
Wit (2004-2006)
Tres dramolette (2007)
A casa de Bernarda Alba (2009)
Sagarra dit per Rosa M. Sardà (2011-2012)
Dubte (2012)