Robin Hood foi un arquetípico heroe e foraxido do folclore inglés medieval. Segundo a lenda, Robin Hood era un home chamado Robin Longstride ou Robin de Locksley, quen era de gran corazón e vivía fora da lei, agochado no Bosque de Sherwood e de Barnsdale, preto da cidade de Nottingham. Hábil arqueiro, defensor dos pobres e oprimidos, loitaba contra o shériff de Nottingham e o príncipe Juan sen Terra, que utilizaban a forza pública para acaparar ilexitimamente as riquezas dos nobres que se lles opuñan. Na Inglaterra medieval , todo individuo que se opuña ós edictos reais era considerado un foraxido.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2015.) |
Argumento de Robin Hood
Roberto Fitz Ooth vai casar coa fermosa Mariana Gilewater, filla do barón de Arlongford. Pero a cerimonia é interrompida por unha banda de soldados do Príncipe Xoán irrompendo na capela e declara a Roberto Fitz Ooth "un home fora da lei". Este consegue fuxir cos seus fieis amigos e compañeiros e refúxiase no bosque de Sherwood, converténdose así en Robin Hood.
Mariana, encerrada co seu propio pai, escapa e reúnese co seu noivo, seguida polo cura-confesor, o Irmán Miguel, que cambiará de nome despois. Namentres, o príncipe Xoán namórase de Mariana, búscaa desesperadamente e queima o castelo do seu pai. Despois de numerosas aventuras no bosque, Robin Hood e os seus amigos atopan un cabaleiro descoñecido: o Rei Ricardo, que volve de Terra Santa. Devolve os seus títulos nobiliarios a Robin e ós demais perseguidos e permite que case coa súa amada.
Filmografía
Algunhas adaptacións ó cine foron:
- Curtametraxe de cine mudo titulada Robin Hood and his Marry Men (1908) dirixido por Percy Stow.
- Cine mudo Robin Hood outlawed (1912), produción británica.
- Cine mudo Robin Hood (1912), versión norteamericana con Robert Frazer.
- Cine mudo In the days of Robin Hood (1913), versión norteamericana.
- Robin Hood (1973), debuxos animados producidos polos estudios Disney. Os personaxes son todos animais que habitan o bosque de Sherwood. Robin é un raposo.
- Robin Hood, príncipe dos ladróns (1991), de Kevin Reynolds e protagonizada por Kevin Costner.
- Robin de Locksley (1996) protagonizada por Devon Sawa.
- Back to Sherwood (1999), serie de TV de produción canadense.
- Robin Hood, Prince of Sherwood (2008), filme producido para TV.
- Beyond the Sherwood Forest (2009) con Robin Dunne e Erica Durance.
- Robin Hood, de Ridley Scott, con Russell Crowe, 2010.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
