Roberto Carlos da Silva

Roberto Carlos da Silva, nado en Garça (Estado de São Paulo) o 10 de abril de 1973, é un futbolista brasileiro. Xogou de lateral esquerdo e Estivo en activo como xogador ata 2015, ano en que comezou a súa traxectoria como adestrador.

Roberto Carlos da Silva

(2023)
Nome orixinal	(es) Roberto Carlos
Biografía
Nacemento	(pt-br) Roberto Carlos da Silva Rocha 10 de abril de 1973 (51 anos) Garça, Brasil (pt)
Altura	168 cm
Peso	75 kg
Lateralidade	manicho
Actividade
Ocupación	futbolista, adestrador de fútbol
Período de actividade	1989 - 15 de decembro de 2015
Nacionalidade deportiva	Brasil
Deporte	fútbol
Posición de xogo	Lateral
Traxectoria   Equipo 1991–1993 União São João Esporte Clube 0 (0) 1992–1992 → cesión:  Clube Atlético Mineiro 3 (0) 1993–1995 SE Palmeiras 44 (3) 1995–1996   Inter de Milán 30 (5) 1996–2007   Real Madrid CF (defensa) 370 (47) 2007–2009 Fenerbahçe (defensa) 65 (6) 2010–2011 Sport Club Corinthians Paulista 35 (1) 2011–2012 FC Anji Makhachkala 25 (4) 2015–2016 Delhi Dynamos Football Club 4 (0)   Selección nacional 1991–1991   Brasil sub-20 1992–2006   Brasil 125 (10)
Participou en
2006	Mundial de Fútbol Alemaña 2006
2002	Mundial de Fútbol Corea/Xapón 2002
1998	Mundial de Fútbol Francia 1998
1996	Xogos Olímpicos de 1996
Sinatura
Descrito pola fonte	Lentapedia Obálky knih,
Sitio web	robertocarlosofficial.com

Comezou a súa carreira no União São João de Araras, xogou para o Palmeiras, Inter Milán, Real Madrid e foi 120 veces internacional coa selección nacional de fútbol do Brasil coa que gañou a Copa do Mundo de 2002. Desde o 2 de agosto de 2005 goza de dobre nacionalidade hispano-brasileira.

Traxectoria

Os seus primeiros pasos futbolísticos foron en 1980 en Araras unha cidade do Estado de Sao Paulo. O equipo onde comezou chamábase União São João. Con 14 anos chegou ó primeiro equipo, con 16 debutou na selección Sub-20 do Brasil e con 18 xogou no Palmeiras, sendo convocado coa selección do Brasil.

En 1995 deu o salto ó fútbol europeo recalando no Inter de Milán, para un ano despois incorporarse á disciplina do Real Madrid da man de Fabio Capello, onde xogou 11 temporadas converténdose no xogador non español con máis partidos xogados no Real Madrid.

Destacou pola súa velocidade, os seus remates fortes co seu pé esquerdo. Disto cabe destacar o espectacular gol de falta dende cerca do medio do campo que lle marcou á selección francesa no mundialiño do 97, previo ó mundial do 98. A nivel de logros gañou 4 ligas, 3 supercopas, 3 ligas de campións, a Supercopa de Europa e 2 Copas Intercontinentais.

Foi nomeado por Pelé como un dos 125 mellores xogadores que permanecen con vida (FIFA 100).

O 9 de marzo de 2007 anunciou a declaracións á cadea de radio española Onda Cero, que ó final da tempada 2006-2007 deixaría de vestir a camiseta do Real Madrid. O 5 de xuño de 2007 firmou por 3 temporadas co Fenerbahçe turco.

Participacións nas Copas do Mundo

• Na Copa Mundial de fútbol de 1998 en Francia quedaron subcampións.
• Na Copa Mundial de fútbol de 20002 en Corea do Sur e o Xapón quedaron campións.
• Na Copa Mundial de fútbol de 2006 en Alemaña quedaron nos cuartos de final.

Palmarés

Campionatos nacionais

Logrou co Palmeiras do Brasil nas tempadas 1993 e 1994 o Campionato Brasileiro; co Real Madrid de España nas tempadas 1997, 2001, 2003 e na 2007 a Liga Española, e tamén co Real Madrid conseguiu nas tempadas 1997,2001 e 2003 a Supercopa de España.

Copas internacionais

Co Brasil conseguiu a Copa América no 1997 e 1999, a Copa Confederacións no 1997, e a Copa Mundial de Fútbol no 2002; logo co Real Madrid logrou a Liga de Campións da UEFA en 1998,2000 e no 2002, a Copa Intercontinental nos anos 1998 e 2002 e gañou a Supercopa de Europa en 2002.

Distincións individuais

• Balón de prata en 2002
• FIFA World Player, prata en 1997.

Véxase tamén

Ligazóns externas

• Datos do xogador en bdfutbol.com (en castelán)