Rea (lúa)
From Wikipedia, the free encyclopedia
Rea é o segundo satélite de Saturno pola súa masa, e o décimo cuarto máis afastado do planeta (uns 527.000 km); tarda uns 4,5 días terrestres en completar un xiro.
Para outras páxinas con títulos homónimos véxase: Rea.
 | |
| Descubrimento | |
|---|---|
| Descuberto por | Giovanni Cassini |
| Data | 23 de decembro de 1672 |
| Características orbitais | |
| Semieixe maior | 527.108 km |
| Excentricidade | 0,0012583 |
| Período orbital | 4,518 d |
| Inclinación | 0,345 ° |
| Satélite natural de | Saturno |
| Características físicas | |
| Diámetro principal | 1.528,8 km |
| Masa | 2,32×1021 kg |
| Densidade media | 1,24 g/cm³ |
| Gravidade superficial | 0,27 m/s² |
| Período de rotación | síncrono coa súa órbita |
| Inclinación axial | 0,345 ° |
| Albedo | 0,65 |
| Atmosfera | non existente, |
A súa órbita é case circular e lixeiramente inclinada con respecto ao ecuador de Saturno.
É esférico e mide uns 1.529 km de diámetro, aproximadamente a metade que a Lúa, o que o converte no segundo maior satélite de Saturno. Crese que ten un núcleo rochoso que supón algo menos dunha terceira parte do diámetro, e manto e cortiza compostos por auga xeada e impurezas diversas.
Foi descuberto en 1672 polo astrónomo francés Jean-Dominique Cassini, que lle deu o nome da figura mitolóxica grega Rea, irmá e esposa de Cronos (Saturno no panteón romano). A lúa foi fotografada pola sonda estadounidense Voyager 1 en novembro de 1980, cando esta pasou polo sistema de Saturno.
Características físicas
Rea é unha lúa xeada cunha densidade de aproximadamente 1,24 kg/m3. Esta densidade indica que Rea teña probablemente un núcleo rochoso o cal contén un terzo da súa masa, co resto composto dunha combinación de auga-xeo.
As características físicas de Rea aseméllanse ás de Dione, con hemisferios diferentes, o cal suxire composicións e historias similares. A temperatura en Rea oscila entre 53 e 99 K (-220 °C e -174 °C).
A superficie de Rea está altamente craterizada e ten marcas lineais, brillantes e difusas; pénsase que estas liñas foron producidas por material exectado durante a formación de grandes cráteres, como Tirawa, de 375 km de diámetro (o cal é visible na parte superior da imaxe de Rea, arriba).
Véxase tamén
Outros artigos
Ligazóns externas
 |
Commons ten máis contidos multimedia sobre: Rea |
- Rhea Profileda NASA's Solar System ExplorationArquivado 01 de agosto de 2007 en Wayback Machine.
- The Planetary Society: Rhea
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
