Raíces profundas

Raíces profundas (en inglés: Shane) é un western estadounidense de 1953, producido e dirixido por George Stevens. O guión é de A.B. Guthrie Jr., adaptado da novela de Jack Schaefer de 1949. A súa fotografía, gañadora do Óscar é de Loyal Griggs. O filme está protagonizado por Alan Ladd e Jean Arthur, para a que foi a última (e única en cor) longametraxe da súa carreira.

Raíces profundas
Póster do filme.
Ficha técnica
Título orixinal	Shane
Director	George Stevens
Produtor	George Stevens
Guión	A.B. Guthrie, Jr. Jack Sher
Intérpretes	Alan Ladd Jean Arthur Van Heflin Brandon deWilde Jack Palance
Música	Victor Young
Fotografía	Loyal Griggs
Montaxe	William Hornbeck Tom McAdoo
Distribuidora	Paramount Pictures
Estrea	23 de abril de 1953
Duración	118 minutos
Orixe	Estados Unidos
Orzamento	$3 100 000
Recadación	$20 000 000[1]
Na rede

O American Film Institute incluíu Raíces profundas na súa lista dos mellores filmes estadounidenses en 1998 no 69.º lugar e novamente en 2007 no 45.º posto.

Foi emitido na TVG o 16 de marzo de 2001.^[2]

Argumento

O filme conta a historia do misterioso pistoleiro Shane, que acaba de chegar a unha rexión de asentamentos nun val de Wyoming. Os colonos luitan polos seus dereitos contra os grandes criadores de gando, que controlan a maior parte da terra, e Shane involúcrase no conflito.

Shane, que quere mudar de vida, acepta traballar na pequena facenda de Starret, sentíndose atraído pola súa dona, Marian. O fillo de Starret, Joey, interésase por Shane e descobre o cinto cunha pistola que o cowboy agachara. O rapaz asómbrase cando Shane lle amosa a súa habilidade coas armas e convértese nun ídolo para Joey.

A tensión entre as faccións en conflito aumenta cando Ryker, o facendeiro máis poderoso da rexión, contrata o temíbel pistoleiro Jack Wilson para facer presión sobre os propietarios dos sitios.

Elenco

• Alan Ladd como Shane
• Jean Arthur como Marian Starrett
• Van Heflin como Joe Starrett
• Brandon deWilde como Joey Starrett
• Jack Palance (acreditado como Walter Jack Palance) como Jack Wilson
• Ben Johnson como Chris Calloway
• Edgar Buchanan como Fred Lewis
• Emile Meyer como Rufus Ryker
• Elisha Cook Jr. como Frank "Stonewall" Torrey
• Douglas Spencer como Axel 'Swede' Shipstead
• John Dierkes como Morgan Ryker
• Ellen Corby como Sra. Liz Torrey
• Paul McVey como Sam Grafton
• John Miller como Will Atkey, o servidor do bar
• Edith Evanson como Sra. Shipstead
• Leonard Strong como Ernie Wright
• Nancy Kulp como Sra. Howells

Notas

1. Box Office Information for Shane. The Numbers. Consultado o 13 de abril de 2012.
2. Programación

Véxase tamén

Wikimedia Commons ten máis contidos multimedia na categoría:  Raíces profundas

Bibliografía

• Farmer, Walt (2001). The Making of Shane in Jackson Hole, Wyoming. Arquivado dende o orixinal o 10 de novembro de 2017. Consultado o 27 de xuño de 2018. CD-ROM.
• Slotkin, Richard (1992). "Killer Elite: The Cult of the Gunfighter, 1950–1953". Gunfighter Nation: The Myth of the Frontier in Twentieth-Century America. Nova York: HarperPerennial. pp. 379–404. ISBN 0-06-097575-X.