Río Iso
curso fluvial galego From Wikipedia, the free encyclopedia
O Iso é un río galego da provincia da Coruña, afluente do Ulla pola súa marxe dereita.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2016.) |
| ||||
| Tipo | río | |||
|---|---|---|---|---|
| Inicio | ||||
| División administrativa | Provincia da Coruña, España | |||
| Final | ||||
| División administrativa | Provincia de Lugo, España | |||
| Localización | río Ulla | |||
| ||||
| Características | ||||
| Altitude | 580 m | |||
| Dimensións | 23 () km | |||
| Medicións | ||||
| Caudal | 4,72 m³/s | |||
Percorrido
O Iso nace a 580 m de altitude, e logo dun percurso de 23 km, no que atravesa os concellos de Boimorto e Arzúa, únese ao Ulla no encoro de Portodemouros, contribuíndo cun caudal de 4,72 m³/s. A súa conca abrangue unha área de 166,5 km². Cara á desembocadura, na parte encorada do seu percorrido, sitúase no medio do río a illa da Altura.
Afluentes
Pola dereita recibe as augas dos regos da Cañota, Carracedo ou de Brandeso. Pola esquerda acolle o rego Rendal, o Ribeiral e, xa no encoro, o río Boente e o rego do Muíño.
Réxime
O Iso é un río de réxime pluvial.
Étimo
O nome do Iso semella responder á raíz indoeuropea *eis- "correr velozmente", presente en gran número de hidrónimos europeos: Isar, Isère, Ésera etc. En Galiza este étimo tamén está na orixe de Ézaro, o antigo nome do Xallas.
Relevancia histórica
Nun diploma da raíña Urraca, expedido o 13 de xuño de 1120, estabeleceuse neste río o límite oriental da Terra de Santiago. Os demais límites quedaban conformados polos ríos Ulla, Tambre e a costa atlántica[1].
Notas
Wikiwand - on
Seamless Wikipedia browsing. On steroids.