Río de Zamáns

O río de Zamáns^[1][2], tamén chamado río de Vilaza^[3] ou río Amial^[4], é un curso de auga que discorre polos concellos de Vigo e Gondomar. É afluente do río Miñor.

Río de Zamáns

O río de Zamáns
Tipo	curso de auga
Inicio
División administrativa	Provincia de Pontevedra, España
Localización	Serra do Galiñeiro
Final
División administrativa	Galicia, España
Localización	río Miño
42°06′37″N 8°45′49″O

Curso

Encoro de Zamáns

Nace no Galiñeiro, na parroquia de Zamáns (Vigo).^[1] No seu leito construíuse o encoro de Zamáns. Discorre polas parroquias gondomareñas de Vincios e Vilaza. Na vila de Gondomar, concretamente ao carón da Paradela, conflúe co río das Rasas, para converterse no río Miñor.^[1]

Historia

Muíño das Maquías

Na documentación medieval, tamén recibía o nome de Miñor.^[1] No século XVIII, xa estaba consolidado o actual nome.^[1]

Patrimonio e natureza

Na parroquia de Zamáns atópase un conxunto etnográfico de cinco muíños restaurados a comezos do século XXI e unha senda^[5]. Cabe destacar tamén o muíño das Maquías e o encoro de Zamáns.^[5] Atravesa o núcleo urbano de Gondomar. Ás súas beiras atópase o paseo da Coelleira e unha pontella.^[6]

Galería de imaxes

• 
  Encoro de Zamáns
• 
  Ponte do río Zamáns xunto á Pasaxe (Vincios).
• 
  Na Pasaxe (Vincios).
• 
  En Gondomar
• 
  En Gondomar

Notas

1. Navaza, Gonzalo (2017). Boullón Agrelo, Ana Isabel, ed. Toponimia miñorá: Miñor, Nigrán, Gondomar, Baiona. Estudar toponimia. Aproximacións metodolóxicas e interpretativas. Anexo 75 de Verba (Servizo de Publicacións da Universidade de Santiago de Compostela). p. 84.
2. "Río de Zamáns - 273809". galicianomeada.xunta.gal. Consultado o 2023-10-26.
3. "En las orillas del río Vilaza". Faro de Vigo (en castelán). 2020-11-26. Consultado o 2023-10-26.
4. "Embalse de Zamanes o Encoro de Zamáns. Pesca en España" (en castelán). 2022-08-02. Consultado o 2023-10-26.
5. "Ruta Sendeiro local de Zamáns. Concello de Vigo". hoxe.vigo.org. Consultado o 2023-10-26.
6. pablo f.e. gondomar (2019-12-08). "El río Zamáns tendrá pasarela en Gondomar ya este año". Atlántico (en castelán). Consultado o 2023-10-26.