Prepucio do pene
anaco de pel retractable que recobre a glande From Wikipedia, the free encyclopedia
O prepucio do pene é a pel que recobre a glande do pene.
Para outras páxinas con títulos homónimos véxase: Prepucio.
Anatomía do prepucio do pene
O prepucio é unha dobra cilíndrica de pel, que pola cara externa presenta epitelio queratinizado e pola cara interna que está en contacto coa glande é unha mucosa de epitelio menos queratinizado. O prepucio e a glande están unidos entre si por unha dobra medio anterior chamada freo do pene e en toda a súa circunferencia posterior polo suco balanoprepucial. A circunferencia anterior do prepucio corresponde co bordo libre do prepucio e denomínase orificio ou anel prepucial.
Entre a glande e o prepucio existe unha cavidade virtual, a chamada cavidade do prepucio. En casos de falta de hixiene, nesta zona pode formarse unha substancia chamada esmegma.
A lonxitude do prepucio varía moito segundo os individuos. Unhas veces prolóngase até o vértice da glande e supera por diante do pene unha especie de vestíbulo. Isto é o que ocorre na maioría dos nenos até a puberdade. No adulto pode persistir esta disposición, ou retraerse parcial ou totalmente.
Funcións do prepucio do pene
O prepucio ten catro funcións:
- Protectora
- Sensorial
- Mecánica
- Almacena o olor da glande
Véxase tamén
Outros artigos
- Fimose
- Circuncisión
Ligazóns externas
 |
Wikimedia Commons ten máis contidos multimedia na categoría: Prepucio do pene |
Wikiwand - on
Seamless Wikipedia browsing. On steroids.