Pota
From Wikipedia, the free encyclopedia
A pota, choupa ou lura pota,[2] é un molusco cefalópodo mariño da orde dos téutidos, suborde dos egopsinos. É a especie tipo da familia, da subfamilia e do xénero.[3]
Para outras páxinas con títulos homónimos véxase: Pota (homónimos).
| Pota Todarodes sagittatus | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||
| Estado de conservación | |||||||||||||||||||
 Pouco preocupante[1] | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| Todarodes sagittatus (Lamarck, 1798) | |||||||||||||||||||
| Sinonimia | |||||||||||||||||||
| |||||||||||||||||||
O nome procede da palabra catalá pota, que quere dicir pouta.[4]
Taxonomía
Descrición
A especie foi descrita en 1798 polo naturalista francés Jean-Baptiste Lamarck baixo o nome de Loligo sagittata.[3]
Nome vulgar
O seu nome vulgar en galego é, como quedou dito, pota ou lura pota.[2]
Sinónimos
Ademais de polo nome actualmente válido, a especie coñeceuse tamén polos sinónimos:[3]
- Ommastrephes sagittatus (Lamarck, 1798)
- Ommastrephes todarus (Rafinesque, 1814)
- Sthenoteuthis todarus (Rafinesque, 1814)
- Loligo sagittata Lamarck, 1798
- Loligo aequipoda Rüppell, 1844
- Sepia minor Seba, 1758
- Loligo brasiliensis Férussac, 1823
- Sepia loligo Gmelin, 1789
Características
Como os demais cefalópodos, as potas teñen cabeza diferenciada, simetría bilateral, manto, oito brazos con función alimenticia e dous tentáculos máis longos con función reprodutiva.
Perderon a cuncha dos seus devanceiros na súa evolución, conservando só unha pluma no interior do manto que serve para lles dar rixidez e apoio aos músculos.
Malia teren dúas aletas, estas xeralmente non son o seu medio de propulsión, senón que a conseguen exectando auga a presión a través dun sifón.
Son grandes nadadoras, e poden 'voar' en distancias curtas fora da auga.[5]
A pel está cuberta de cromatóforos, o que lles permite camuflar a súa cor cos seus arredores.
Pesca e comercialización
A pesca das potas é por pesca de arrastre en altura, e usando poteiras cando se fai en pesca de baixura. É unha especie con valor comercial polo seu uso gastronómico, similar ao das luras pero de menor calidade. Son obxecto de gran comercialización e consumo en forma de aneis conxelados, para o seu cociñado á romana.
Notas
Véxase tamén
Wikiwand - on
Seamless Wikipedia browsing. On steroids.