Portonovo, Adina, Sanxenxo

Portonovo é unha das dúas vilas do concello de Sanxenxo, xunto coa capital do concello, e o segundo núcleo en número de habitantes (en 2016). Segundo datos datos do IGE, tiña 2.161 habitantes en 2016 (1.075 mulleres e 1.086 homes), o que representa un leve pero continuado descenso respecto a anos anteriores: 2.184 habitantes en 2009 e 2.213 en 2008.

Para outras páxinas con títulos homónimos véxase: Portonovo.

Portonovo
Localización de Portonovo no concello de Sanxenxo.
Parroquia	Adina
Concello	Sanxenxo
Coordenadas	42°23′33″N 8°49′25″O
Poboación	2.161 hab. (2016)
[ editar datos en Wikidata ]

Está situado na parroquia de Adina, coa que normalmente se identifica. Actualmente están integrados, total ou parcialmente, no casco urbano da vila os lugares de Barbeito, Vista Alegre e Canelas.

Portonovo foi concello de seu trala reorganización territorial de 1833, xunto ós concellos de Sanxenxo e Dorrón, pero en 1835 unificáronse nun só concello, con capitalidade en Padriñán, á que pertenxe o lugar de Sanxenxo.^[1]

A súa actividade económica baséase historicamente na pesca, cun gremio de mareantes de especial relevancia durante a idade Media. Froito desta gran tradición pesqueira, conta cunha confraría de pescadores, inaugurada no ano 1924 (por Castelao), así como un importante porto pesqueiro recentemente ampliado e unha moderna lonxa, reformada en 2014.

Hoxe en día a pesca está a pasar a un plano secundario por mor do crecemento do sector turístico do concello e, en xeral, de toda a comarca.

Galería de imaxes

• 
  Portonovo dende Sanxenxo
• 
  Vista de Portonovo
• 
  Vista de Portonovo
• 
  Vista de Portonovo desde a praia de Baltar
• 
  Portonovo: a Ribeira
• 
  Paseo de madeira na praia de Baltar (Portonovo)
• 
  Nasas no porto de Portonovo
• 

Lugares e parroquias

Lugares de Adina

Lugares da parroquia de Adina no concello de Sanxenxo (Pontevedra)
Baltar | Barbeito | A Barrosa | Canelas | O Catadoiro | Fabal | Forxán | A Igrexa | O Outeiro | Paxariñas | O Pombal | Portonovo | Rial | A Torre | O Vinquiño | Vista Alegre | A Xesteiriña

Parroquias de Sanxenxo

Galicia | Provincia de Pontevedra | Parroquias de Sanxenxo
Adina (Santa María) | Arra (San Amaro) | Bordóns (San Pedro) | Dorrón (San Xoán) | Gondar (San Tomé) | Nantes (Santa Baia) | Noalla (Santo Estevo) | Padriñán (San Xenxo) | Vilalonga (San Pedro)