Pobo tupinamba

Os tupinamba^[1] foron un dos varios grupos étnicos tupís que habitaron no Brasil antés da chegada dos colonizadores portugueses. Por volta do século XVI, habitaban dúas rexións da costa brasileira: a primeira ía dende a marxe dereita do río São Francisco até o Recôncavo Baiano;^[2] a segunda ía do cabo de São Tomé, no actual estado do Río de Xaneiro, até São Sebastião, hoxe no estado de São Paulo.^[3] Ese segundo grupo tamén era denominado "tamoios".^[4][5] Ámbolos dous grupos compúñanse de 100.000 individuos e eran a nación indíxena máis coñecida de toda a costa brasileira polos navegadores europeos do século XVI.^[2]

Pobo tupinamba
Cerimonio relixiosa de tupinambas nun gravado de Theodor de Bry.
Poboación
Poboación total: 3 000 (tupinambas de Olivença)
Rexións principais:
Aspectos culturais
Lingua	Lingua tupinamba
Relixión	relixión tradicional
Grupos relacionados	Pobos tupís

No presente, o principal grupo tupinamba reside no sur do estado da Baía: son os tupinambas de Olivença. A maior parte da poboación tupinamba vive nos centros urbanos, principalmente nas rexións metropolitanas do sueste, centro-oeste e nordeste. No sueste, São Paulo é a cidade con maior poboación de etnia tupinamba. A súa lingua sobrevive hoxe na forma da lingua nheengatu.

Distribución do pobo tupinamba na costa do Brasil no século XVI, sinalado en verde.