Pobo seri

Os seri son un grupo indíxena do estado mexicano de Sonora. A etimoloxía deste exónimo provén do termo yaqui que quere dicir "home da area", e o endónimo que empregan é comcaac [koŋˈkɑːk]; singular: cmiique [ˈkw̃ĩːkːɛ]. A maioría dos membros do grupo son falantes fluídos da lingua seri, cmiique iitom. O seu territorio tradicional inclúe as illas Tiburón e San Esteban.

Pobo seri
Muller seri cantando.
Poboación
Poboación total: ~1 000 (2006)[1]
Rexións principais:
México	El Desemboque, Punta Chueca, Illa Tiburón e San Esteban (Sonora)
Aspectos culturais
Lingua	Lingua seri e castelán
Relixión	Tradicionalmente animistas No presente católicos

O número de persoas deste grupo continúa en crecemento. En 1952, rexistrábanse 215 persoas; en 2006, máis de 900 (segundo o goberno seri).^[2]

Territorio seri

Bandeira seri.

O territorio seri, no estado de Sonora, abrangue unha área de arredor de 211 000 ha de terra, e está integrado por unha parte continental e pola illa Tiburón, que se encontra no golfo de California, fronte á costa central do estado.

Os seris habitan principalmente nas pobacións de El Desemboque (Haxöl Iihom), no concello de Pitiquito, e en Punta Chueca (Socaaix), no concello de Hermosillo, na costa de Sonora. Seguindo os ciclos de pesca, a localización dalgúns individuos ou os seus familiares pode variar, entre todos os campos pesqueiros distribuídos ao longo de 100 km de litoral.