Pobo hawaiano

Os hawaianos^[3] (en hawaiano: kānaka ʻōiwi, kānaka maoli ou hawaiʻi maoli) son un pobo indíxena polinesio nativo das illas de Hawai.^[4] As orixes dos hawaianos remóntanse ós primeiros poboadores polinesios que se asentaron en Hawai.

Pobo hawaiano
Nenos hawaianos, c. 1900.
Poboación
Poboación total: 156 000 (só nativo) 371 000 (en combinación con outra etnia) (censo de 2010)[1]
Rexións principais:
Estados Unidos	Hawai, California
Aspectos culturais
Lingua	Lingua hawaiana, inglés, lingua de sinais hawaiana
Relixión	Relixión hawaiana, protestantismo, catolicismo e mormonismo[2]
Grupos relacionados	Pobos polinesios e pobos autronesios

Poboación

Na época da chegada de James Cook en 1778, a súa poboación estimouse entre as 250 000 e as 800 000 persoas.^[5][6] No primeiro século despois do contacto, os nativos hawaianos case desapareceron por mor das doenzas introducidas nas illas, xa que non tiñan defensas contra a gripe, a varíola, o xarampón ou a tose ferina. O censo de 1900 dos Estados Unidos identificou 37 656 residentes como total ou parcialmente nativos hawaianos.^[7] O censo de 2000 identificou 283 430 residentes nativos hawaianos, amosando unha gran tendencia de crecemento dende a anexión como estado en 1898.^[8]