Pilar Neira

Pilar Neira Martínez, nada en Londres en 1963, é unha exfutbolista e adestradora de fútbol galega.

Pilar Neira

(2014)
Biografía
Nacemento	2 de xuño de 1963 (61 anos) Londres, Reino Unido
Actividade
Ocupación	futbolista
Deporte	fútbol

Traxectoria como xogadora

Criada na cidade da Coruña, practicou como deportista o fútbol e o balonmán. Comezou xogando ao fútbol en 1976 no Karbo CF, equipo de fútbol feminino que en 1980 sería absorvido polo Deportivo pasándose a chamar Karbo Deportivo co que gañou tres campionatos de España. En 1982^{[Cómpre referencia]} fichou no Maravillas SD e posteriormente polo Brigantium CF^[1], e en 1985 gañou o campionato de España de seleccións territoriais representando a Galicia.

Traxectoria como adestradora

En 1982 obtivo o título de adestradora nacional. Como adestradora ascendeu o Orzán SD a Primeira Nacional e gañou tres campionatos de España. Tamén foi adestradora do Imperátor, e dos equipos de fútbol sala da Capela, o Breogán e o Riazor^[2].

En 2007 converteuse na primeira seleccionadora da selección galega de fútbol feminino, posto que ocupou ata 2009.

Ademais, é a presidenta da Asociación de Mulleres Deportistas de Galicia e do Balonmán A Coruña.

Datos persoais

Está casada e ten unha filla. É seareira do Deportivo da Coruña^[1].