Phnom Penh

Phnom Penh
	ភ្នំពេញ (km)
Localización
	11°34′10″N 104°55′16″L
Estado	Camboxa
Enclave en	Kandal (pt)
Capital de	Camboxa ; Kampuchea Democrático (pt) ; República Khmer (pt) ; Protetorado Francês do Camboja (pt) ; República Popular de Kampuchea
Contén a división administrativa	Chamkarmon (pt) ; Chroy Changvar Section (en) ; Dangkao (pt) ; Daun Penh (pt) ; Meanchey (pt) ; Porsenchey (pt) ; Prampi Makara (pt) ; Russei Keo (pt) ; Sen Sok (pt) ; Tuol Kork (pt)
Poboación
Poboación	2.129.371 (2019) (3.138,54 hab./km²)
Xeografía
Superficie	678,46 km²
Bañado por	Río Mekong e Rio Bassac (pt)
Altitude	14 m
Comparte fronteira con	Mukh Kamphool District (en) ; Kandal (pt)
Datos históricos
Creación	1372 (Gregoriano)
12 de abril de 1975	Evento clave
12 de abril de 1975	fall of Phnom Penh (en)
Organización política
• Xefe do goberno	Pa Socheatvong (en)
Membro de	Federación Mundial de Cidades Turísticas
Identificador descritivo
Prefixo telefónico	023
ISO 3166-2	KH-12
Outro
Irmandado con	Cidade Ho Chi Minh ; Pequín ; Chongqing ; Long Beach ; Vientiane ; Londres ; Providence ; Shanghai (2008–); Kunming (2011–); Bangkok (2013–); Kitakyūshū (2016–)
Páxina web	phnompenh.gov.kh

Phnom Penh (en khmer: ភ្នំពេញ) é a capital de Camboxa, estado do extremo suroriental de Asia. Amén de ser a maior e máis populosa cidade do país, con máis de 1.200.000 de habitantes, é tamén a capital do concello homónimo. É ademais o máis importante centro político, comercial e cultural da nación.

Datos rápidos Localización, Enclave en ...

Pechar

Este artigo amosa escritos khmer. Sen o soporte axeitado, o texto pode mostrar símbolos sen sentido, coma caixas, marcas e outros.

Coñecida como a Perla de Asia, a cidade é unha das máis apetecidas metas turísticas, o mesmo a nivel nacional como internacional. Phnom Penh é famosa pola súa arquitectura, tanto polo que se refire ao estilo tradicional khmer como pola importada de Francia, e pola cordialidade das súas xentes.

Phnom Penh está situada na parte suroriental de Camboxa, sobre unha chaira aluvial, na confluencia dos ríos Tonlé Sap, Bassac e Mekong.

Clima

O clima é caloroso ao longo de todo o ano, con escaso gradiente térmico, e pertence ao tipo de clima tropical monzónico. Hai tres estacións principais: a estación fría, entre novembro e xaneiro; a estación cálida desde febreiro a maio e a estación da choivas, de xuño a outubro.

Arredor de 1440, cando Angkor foi abandonada, Phnom Penh tornouse a nova capital debido a que se situaba nunha posición máis defendíbel a respecto das incursións desde o veciño reino de Siam e con maiores perspectivas comerciais pola súa proximidade ao río Mekong. En 1772 foi arrasada polos tailandeses. Case cen anos logo, en 1863, foi conquistada polos franceses.

No ano 1975 os khmer vermellos, so a xefatura de Pol Pot, aplicaron unha política de "socialismo do gran", deportando todos os habitantes das cidade para os campos e aloxándoos en factorías comúns. Phnom Penh ficou transformada nunha cidade fantasma. Durante o Nadal de 1978 un exército de 200.000 vietnamitas invadiu Camboxa, conquistou Phnom Penh e expulsaron a Pol Pot, xunto cos seus máis fieis, para os bosques dos confíns con Tailandia. Paulatinamente a xente iniciou o retorno para a cidade. Comezou un período de reconstrución, empurrado pola estabilidade de goberno, que puido atraer investimentos estranxeiros e axudas de organismos supranacionais e gobernos de estados diversos, como Francia, Australia ou Xapón, co que as infraestruturas foron revitalizadas.

Os maiores atractivos culturais, e a un tempo turísticos, de Phnom Penh son:

o Pazo Real (Preah Barom Reachea Vaeng Chaktomuk), de 1866, está situado na beira esquerda do río Mekong, no barrio denominado Chaktomuk.
a Pagoda de Prata (Wat Preah Keo), un conxunto de edificacións tamén de mediados do XIX, que é a vez o templo real; contén estatuas de Buda enxoiadas, algunhas moi antigas.
o Museo Nacional de Camboia, construído entre 1917-20, durante a época colonial francesa, aínda que en estilo local; está unicado nas proximidades do Pazo Real, e contén boas coleccións de arte khmer e outras.
o Phsar Thom Thmei ou "Gran Novo Mercado", de estilo art-déco, erguido en 1937.
o Vimean Akareach ou Monumento á Independencia,
o Monumento á Amizade entre Camboxa e Vietnam,
o Museo Tuol Sleng ou do Xenocidio,
a pagoda Wat Phnom é un dos monumentos máis antigos da cidade, que data do século XIV.

Fora da cidade está o Centro do Xenocidio Choeung Ek.

Hai todo tipo de servizos de transporte, incluíndo ferrocarril, e autoestradas que conducen a Tailandia e Vietnam. Hai unha liña ferroviaria Phnom Penh-Battambang, que realiza unha viaxe diaria. O grande porto da cidade, fluvial, ten saída para o Mar da China. Dentro da cidade hai autobuses, taxis e os populares rickshaws, movidos por bicicletas ou motocicletas.

O Aeroporto Internacional de Phnom Penh é o segundo en importancia do país. Está sito a 7 km do centro da cidade en dirección oeste.