Peter Bogdanovich

Peter Bogdanovich, nado en Kingston (Nova York) o 30 de xullo de 1939 e finado nos Ánxeles o 6 de xaneiro de 2022,^[1] foi un director, guionista, actor, produtor, crítico e historiador do cinema estadounidense. Formou parte do "New Hollywood", xunto con William Friedkin, Brian De Palma, George Lucas, Martin Scorsese, Michael Cimino e Francis Ford Coppola.

Peter Bogdanovich

(2008)
Biografía
Nacemento	30 de xullo de 1939 Kingston, Estados Unidos de América
Morte	6 de xaneiro de 2022 (82 anos) Studio City, Estados Unidos de América
Causa da morte	párkinson
Lugar de sepultura	Westwood Village Memorial Park Cemetery (pt)
Educación	Collegiate School (en) Stella Adler Studio of Acting (en)
Altura	1,78 m
Actividade
Campo de traballo	Filme e dirección de cine
Ocupación	actor, crítico de cinema, xornalista, actor de cinema, prosista, actor de televisión, historiador do cinema, escritor, cámara, director de cinema, montador, guionista, produtor de cinema, realizador
Período de actividade	1968 - 2018
Membro de	Writers Guild of America, West
Xénero artístico	Documental e drama
Profesores	Stella Adler
Influencias	John Ford
Familia
Cónxuxe	Louise Stratten (1988–2001) Polly Platt (1962–1971)
Parella	Dorothy Stratten (1980–1980) Cybill Shepherd (1971–1978)
Fillos	Antonia Bogdanovich  () Polly Platt Sashy Bogdanovich  () Polly Platt
Premios
(1973)  BAFTA Award for Best Screenplay (en) , premiado polo traballo A derradeira película (1973)  Cuncha de Prata ó mellor director  Comendador da Orde de Santiago da Espada  Premios Grammy
Descrito pola fonte	Obálky knih,

Traxectoria

Bogdanovich naceu no estado de Nova York, fillo de Herma Robinson, xudía austríaca e Borislav Bogdanovich, pintor e pianista serbio ortodoxo,^[2] que chegaron aos Estados Unidos en maio de 1939.^[3] Comezou como actor na década de 1950, estudando con Stella Adler e aparecendo na televisión. A principios da década seguinte foi programador cinematográfico no Museum of Modern Art de Nova York.

En 1968, seguindo o exemplo do críticos de Cahiers du Cinéma decidiu converterse en director e marchou aos Ánxeles. O primeiro traballo ofreceullo o director Roger Corman. En 1971 dirixiu A derradeira película, o seu filme mellor recibido, que foi candidato a oito premios Oscar e no que tiña un papel importante a modelo de vinte e un anos Cybill Shepherd, coa que viviu un romance. Tras este filme logrou outros dous éxitos con What's Up, Doc? (1972) e Lúa de papel.

Porén, Daisy Miller ou Nickelodeon foron fracasos. En 1980 dirixiu a comedia They All Laughed, con Dorothy Stratten, antiga modelo que mantivo unha relación con Bogdanovich. Stratten foi asasinada polo seu marido, e o propio Bogdanovich tivo que encargarse da distribución do filme. Máis tarde indicou que este foi o motivo polo que se declarou en bancarrota en 1985.^[4] O 30 de decembro de 1988 casou con Louise Stratten, irmá máis nova de Dorothy, de vinte anos; o matrimonio foi visto como un escándalo.^[5]

Acadou un novo éxito en 1985 con Mask, pero o seguinte proxecto, a continuación de A derradeira película, titulada Texasville foi un fracaso de público e crítica. Os dous filmes provocaron desputas entre Bogdanovich e os estudios, que controlaban o financiamento e a montaxe final. Os seguintes filmes foron outros fracasos e levaron a Bogdanovich a apartarse durante anos da dirección. En 1997 declarouse de novo en bancarrota.^[6]

Ademais de dirixir televisión, recuperou a interpretación cun papel recorrente como psicoterapeuta na serie The Sopranos.

Filmografía

Director

Ano	Filme	Notas
1968	Voyage to the Planet of Prehistoric Women	Acreditado como Derek Thomas
	Targets
1971	Directed by John Ford	Documental
	A derradeira película
1972	What's Up, Doc
1973	Lúa de papel
1974	Daisy Miller
1975	At Long Last Love
1976	Nickelodeon
1979	Saint Jack
1981	They All Laughed
1985	Mask
1988	Ilegalmente teu
1990	Texasville
1992	Noises Off
1993	The Thing Called Love
1996	To Sir, with Love II	TV
1997	The Price of Heaven	TV
	Rescuers: Stories of Courage: Two Women	TV
1998	Naked City: A Killer Christmas	TV
1999	A Saintly Switch	TV
2001	The Cat's Meow
2004	The Mystery of Natalie Wood	TV
	Hustle	TV
2007	Runnin' Down A Dream	Documental
2014	She's Funny That Way

Actor

• Targets (1968)
• Saint Jack (1979)
• Highball (1997)
• Bella Mafia (1997)
• Mr. Jealousy (1998)
• 54 (1998)
• Coming Soon (1999)
• Festival in Cannes (2001)
• Infamous (2006)
• Dedication (2007)
• The Dukes (2007)
• The Fifth Patient (2007)
• Broken English (2007)
• Humboldt County (2008)
• Abandoned (2010)
• Queen of the Lot (2010)
• The Between (2013)
• Cold Turkey (2013)
• The Tell-Tale Heart (2014)
• You Are Here (2014)
• Pearly Gates (2015)

Libros

• 1961: The Cinema of Orson Welles
• 1962: The Cinema of Howard Hawks
• 1963: The Cinema of Alfred Hitchcock
• 1967: John Ford (expanded 1978)
• 1969: Fritz Lang in America
• 1970: Allan Dwan: The Last Pioneer
• 1973: Pieces of Time (estendido en 1985)
• 1984: The Killing Of The Unicorn - Dorothy Stratten 1960-1980]]. William Morrow and Company; ISBN 0-688-01611-1.
• 1992: This is Orson Welles. HarperPerennial; ISBN 0-06-092439-X.
• 1995: A Moment with Miss Gish. Santa Barbara: Santa Teresa Press.^[7]
• 1997: Who The Devil Made It: Conversations with Legendary Film Directors. Alfred A. Knopf; ISBN 0-679-44706-7.
• 1999: Peter Bogdanovich's Movie of the Week.
• 2004: Who the Hell's in It: Conversations with Hollywood's Legendary Actors. Alfred A. Knopf; ISBN 0-375-40010-9.