A pediatría é a rama da medicina que estuda ó neno e ás súas doenzas. O termo procede do grego paidos (meniño) e iatrea (curación), pero o seu contido vai máis alá da curación das enfermidades dos nenos, xa que a pediatría estuda tanto ó neno san coma ó enfermo.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2014.) |
Cronoloxicamente a pediatría abrangue desde o nacemento ata a adolescencia. Dentro dela distínguense varios períodos: acabado de nacer (primeiro mes de vida), lactante (1-12 meses de vida), párvulo (1-6 anos), escolar (6-12 anos) e adolescente (12-18 anos).
A puericultura é unha das especialidades da medicina. Quere dicir cultivo dos nenos e vén do latín puerilis: neno e cultura: cultivo, é dicir, a arte da crianza, por iso hoxe fálase da puericultura científica que busca como obxectivo final a capacidade do individuo de triunfar na vida malia a adversidade.
A pediatría social estuda ó neno san ou enfermo na súa interrelación coa súa comunidade ou sociedade. A odontopediatría é a rama da odontoloxía que estuda as afeccións da boca nos nenos. A tendencia actual é fundir todas estas acepcións nun único termo, pediatría.
Historia
Na antigüidade, a atención ó neno situábase fóra do ámbito da medicina. Os escasos textos escritos centrábanse máis na puericultura que no diagnóstico e tratamento das enfermidades dos nenos, e as responsables fundamentais da saúde infantil eran as nais e as comadroas.
A partir do Renacemento comezan a considerarse as enfermidades dos nenos coma unha actividade médica e escríbense libros de orientación máis pediátrica. Durante a Idade Moderna comenzan a aparecer centros dedicados ó coidado dos nenos.
A partir do século XIX a pediatría desenvolve a súa base científica especialmente en Francia e Alemaña, e créanse os primeiros hospitais infantís modernos en Europa e Norteamérica. A pediatría convértese nunha especialidade médica con entidade propia. Durante o século XX produciríase un espectacular desenvolvemento en todos os campos da pediatría que desembocaría na segunda metade do século na aparición de subespecialidades pediátricas.
Véxase tamén
Outros artigos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
