Pasodobre

O pasodobre é un baile de parella de orixe española e militar, que presenta un ritmo alegre e vivo^[1]. O termo refírese igualmente á forma musical festeira, curta, executada normalmente pola rúa polas bandas de música e que provén dos desfiles militares. Ten ritmo binario, para poder camiñar mestres se executa. A súa velocidade é de 120 negras por minuto. Ten melodías ledas e carácter típico da música española.^[2]

Festeiros a desfilar a pasodobre, como marcha militar.

É unha forma que só se dá en España, e que forma parte do seu folclore, sendo moi común no País Valenciano. O pasodobre popularizouse tamén nas festas de Galicia no século XX proveniente doutras zonas de España. A mesma cantiga popular galega d'A Carolina ten ritmo de pasodobre, polo que se pensa que a súa orixe non sería en realidade galega, pois se afasta dos sons galegos propios tradicionais.

Tipos de pasodobres

Wikimedia Commons ten máis contidos multimedia na categoría:  Pasodobre

Hai moitos tipos de pasodobres segundo a ocasión e o lugar onde se utilizan, algúns destes son: pasodobres taurinos, pasodobres de salón, pasodobres marcha, pasodobres de concerto...

Notas

1. Definicións no Dicionario da Real Academia Galega e no Portal das Palabras para pasodobre.
2. "pasdoble". L'Enciclopèdia.cat. Barcelona: Grup Enciclopèdia Catalana.