Pallacanestro Trieste

O Pallacanestro Trieste 2004 é un equipo de baloncesto profesional italiano da localidade de Trieste, Friúl-Venecia Xulia. Fundado en 1975, actualmente compite na Lega Basket Serie A, máxima competición do baloncesto transalpino. O seu maior éxito a nivel deportivo foron so cinco títulos de liga conseguidos durante as décadas de 1930 e 1940. O seu pavillón é o PalaTrieste, coñecido por motivos de patrocinio como Allianz Dome, un recinto con capacidade para 6 943 espectadores.

Pallacanestro Trieste
Información xeral
Liga	LBA
Fundación	1975
Historia	Pallacanestro Trieste (1975–2004)
Cores	Branco, vermello
Presidente	Mario Ghiacci
Adestrador	Franco Ciani
Localización
Cidade	Trieste, Italia
Pavillón	Allianz Dome
Capacidade	6 943
Inauguración	1999
Campionatos
Liga	5 (1930, 1932, 1934, 1940, 1941)
Serie A2	1 (2018)
pallacanestrotrieste.it

Historia

O club ten as súas orixes na Società Ginnastica Triestina, un club polideportivo fundado en 1863.^[1] Este non era o único equipo de baloncesto da cidade que competiu na Serie A, máxima categoría do baloncesto italiano, xa que tamén estiveron o Lega Nazionale Trieste (1949-1951), o San Giusto Trieste (1948-1949) e o Polizia Civile Trieste (1949-1950). Porén, si foi o máis existoso, pois na década dos anos 1930 e principios da década de 1940 conseguiu gañar cinco títulos nacionais.

En 1975 a sección de baloncesto é absorbida por unha nova sociedade nada como Pallacanestro Trieste, comezando a súa nova andaina na Serie A2, categoría na que se mantén até 1980, cando ascende á Serie A1. Desde entón xogou na máxima categoría entre 1982 e 1986, de 1990 a 1997, e de novo de 1999 a 2004, sendo o seu mellor resultado o terceiro posto conseguido en 1994. Ese mesmo ano o club conseguiu chegar á final da Copa Korać, onde perderon contra o PAOK Tesalónica (75-66 e 100-91).^[2] Tamñen cómpre destacar que o ano seguinte o club conseguiu xogar tamén a final da Copa de Italia, onde perderon por 81−77 ante a Benetton Treviso. No 2004 o equipo vese relegado á Serie B1 por problemas económicos. Debido a isto, refúndase a sociedade, pasando a denominarse oficialmente Pallacanestro Trieste 2004. Tras competir en categoría infeariores, o club regresa á Segunda División en 2012. Seis anos despois, en 2018, o equipo consegue gañar o título de Serie A2 regresando á máxima categoría catorce anos despois.

Patrocinadores

Ao longo dos anos, debido a motivos de patrocinio, o equipo foi coñecido como:

• Arrigoni Trieste (1955–1956)
• Stock Trieste (1957–1960)
• Philco Trieste (1961–1963)
• Lloyd Adriatico Trieste (1974–1975)
• Hurlingham Trieste (1976–1881)
• Oece Trieste (1981–1982)
• Bic Trieste (1982–1984)
• Stefanel Trieste (1984–1994)
• Illy Caffè Trieste (1994–1996)
• Genertel Trieste (1996–1998)
• Lineltex Trieste (1997–1999)
• Telit Trieste (1999–2001)
• Coop Nordest Trieste (2001–2004)
• AcegasAps Trieste (2005–2013)
• Pallacanestro Trieste (2013–2015)
• Alma Pallacanestro Trieste (2015–2019)
• Allianz Pallacanestro Trieste (2019–2022)
• Pallacanestro Trieste (2022–presente)

Palmarés

Competicións europeas

• Copa Korać
  • Subcampións (1): 1994

Títulos nacionais

• Liga de Italia
  • Campións (5): 1930, 1932, 1934, 1940, 1941
• Copa de Italia
  • Subcampións (1): 1995
• Segunda División
  • Campións (1): 2018

Notas

1. "Il museo della Ginnastica Triestina". ginnasticatriestina.com (en italiano). Arquivado dende o orixinal o 13 de setembro de 2019. Consultado o 08 de setembro de 2018.
2. "Alma-Agenzia per il lavoro Trieste". eurobasket.com (en inglés).

Véxase tamén

Ligazóns externas

• Sitio web oficial