PLISAN

PLISAN (Plataforma Loxística Industrial de Salvaterra - As Neves), tamén chamado Porto Seco, é unha zona industrial e loxística galega, a maior da eurorrexión Galicia-Norte de Portugal. Sitúase entre os concellos de Salvaterra de Miño e As Neves. Os promotores desta zona industrial son a Xunta de Galicia, a Autoridade Portuaria de Vigo e o Consorcio da Zona Franca de Vigo.

PLISAN
Tipo	parque empresarial e polígono industrial
Localización
42°05′51″N 8°27′14″O
Estado	España
Comunidade autónoma	Galicia
Provincia	provincia de Pontevedra
Concello	As Neves
[ Wikidata ]

Historia

Os seus trámites comezaron en 2001 cunha superficie inicial de 4.000.000 metros cadrados, posteriormente reducida a 3.091.000. Logo de máis de 106 millóns de euros gastados (dos que 40 foron destinados a expropiacións), na actualidade apenas se teñen urbanizados 950.000, os situados máis ao sur.^[1]

Xa en 2005 o daquela presidente da Xunta de Galicia, Manuel Fraga, ratificaba publicamente a inminente construción da PLISAN perante as dúbidas xurdidas entre o empresariado vigués^[2]. O seu sucesor no goberno galego, Emilio Pérez Touriño, sería quen colocaría a primeira pedra ese mesmo ano^[3] e a mediados de 2007 anunciaba o remate das obras para o verán de 2008.^[4] A piques de rematar o seu primeiro e único mandato, en 2009, Touriño anunciaba a urbanización e a instalación de empresas para ese ano^[5].

A mediados de 2015 a Xunta de Galicia ordenou a suspensión parcial das obras^[6], con todo, en outono puideron comezar as obras de urbanización dos sistemas xerais.^[7] En febreiro de 2017 anunciábase que os primeiros 100.000 m² haberían de se comercializar a 50 €/m^2[8]. Porén, en abril dese mesmo ano, volvíanse suspender as obras de urbanización após a baixa temeraria na adxudicación do contrato^[3].

Accesos

Ferrocarril

• Liña Ourense - Guillarei

Estradas e autoestradas

• AG-51, xa licitada, que conectará coa A-52.

Patrimonio cultural

Durante as obras de construción foron localizados varios fornos romanos en moi bo estado de conservación, de gran tamaño e de grande importancia relativa pola escaseza deste tipo de restos en Galicia^[9].