Orco (Terra Media)

Os orcos son unha raza antropomorfa de costumes brutais creada pola imaxinación de J. R. R. Tolkien dentro da súa obra de fantasía sobre a Terra Media, que inclúe O hobbit e O Señor dos Aneis. Fóra deste mundo imaxinario, o orco é unha criatura fantástica moi frecuente en relatos de fantasía épica.^[1][2]

Para outras páxinas con títulos homónimos véxase: Orco.

Orco
Instancia de pobos da Terra Media
Subclase de orc in a work of fiction (en) personaxe do legendarium de J. R. R. Tolkien
Obra
Presente na obra O Señor dos Aneis
Universo ficticio legendarium de Tolkien
Creador/a Melkor
Biografía
Inimigo/a Beorn
Identificadores
Freebase /m/01kxwk
Wikidata C:Commons

Características

Hai varias versións dentro da propia mitoloxía tolkieniana en relación coa orixe concreta dos Orcos.

• Unha delas baséase na crenza dos propios elfos de que os Orcos eran unha parte dos Avari ou Elfos Renuentes (aqueles que non quixeran facer a Grande Viaxe), que se volveran salvaxes e malvados nas súas terras.
• A outra, segundo se nos conta no Silmarillion, narra que nos primeiros tempos da Terra Media, tempos en que o malvado Melkor xa estaba enfrontado ó resto dos Valar, moitos elfos que se afastaban sós dos seus dominios eran raptados por Melkor, que os mantiña cativos e escravizados, para ilos corrompendo coa súa crueldade. Estes seres, contrariamente a moitas das creacións de Melkor, tiñan vida propia e reproducíanse á imaxe do resto do fillos de Ilúvatar.

Así se creou, disque, a raza dos orcos, unha raza que non era máis ca unha imaxe distorsionada dos propios elfos, nacida do odio e a envexa que Melkor lles tiña a eles.

Escultura do orco Azog.