O nitroplasto é un orgánulo celular atopado na especie de alga unicelular Braarudosphaera bigelowii.[1] Exerce un papel fundamental na fixación do nitróxeno, un proceso que previamente se pensaba que era exclusivo das bacterias e arqueas.[1] Hai un só nitroplasto en cada célula da alga.[2], que está rodeado por unha membrana simple do hóspede similar á dun vacúolo dixestivo.[3] O descubrimento do nitroplasto ten importantes implicacións tanto na bioloxía celular coma nas ciencias agrícolas.
A existencia do nitroplasto foi proposta por investigadores que estudaban a interacción entre algas mariñas da especie Braarudosphaera bigelowii e unha bacteria chamada UCYN-A en 2012. Inicialmente, formulouse a hipótese de que a bacteria UCYN-A era a que facilitaba a fixación do nitróxeno, proporcionando compostos como o amoníaco á alga e a cambio recibiría compostos carbonados da alga, nunha relación de simbiose. Porén, posteriores estudos realizados polo ecólogo mariño Jonathan Zehr na Universidade de California, Santa Cruz, revelaron que a suposta bacteria UCYN-A non debería considerarse un organismo separado da alga, senón un orgánulo que formaba parte da alga.[1]
O nitroplasto mostra as características típicas dun orgánulo, cumprindo dous criterios clave: é herdado durante división celular e depende de proteínas proporcionadas pola célula hóspede.[1] Por medio de estudos de imaxes microscópicas, os investigadores observaron que o nitroplasto se divide xunto coa a célula hóspede, o que asegura que o orgánulo pasará aos dous descendentes.[1] O nitroplasto ten o seu propio ADN, pero proteinas clave para os metabolismos fotosintético e do ADN do orgánulo son proporcionados pola alga. O orgánulo debeuse crear despois dunha relación de endosimbiose entre a alga e a bacteria que empezou hai 50-100 millóns de anos.
O descubrimento do nitroplasto desbota as nocións previas que existían sobre a exclusividade da fixación do nitróxeno por parte de organismos procariotas. Comprender a estrutura e función do nitroplasto abre novas posibilidades para a enxeñaría xenética en plantas.[1] Incorporando a plantas xenes responsables da función fixadora do nitroplasto, os investigadores pretenden desenvolver plantas agrícolas capaces de fixar o seu propio nitróxeno, reducindo potencialmente a necesidade de fertilizantes baseados no nitróxeno e diminuír os danos ao medio ambiente.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
