Mougás, Oia

Santa Uxía de Mougás é unha parroquia que se localiza no concello de Oia. Segundo o IGE, no 2022 tiña 718 habitantes (365 homes e 353 mulleres),^[2] distribuídos en 17 entidades de poboación, o que supón un aumento en relación ao ano 1999 cando tiña 540 habitantes. O seu xentilicio é mougalés/esa. Eclesiasticamente, pertence ó arciprestado da Guarda-Tebra, na diocese de Tui-Vigo.^[3]

Pedra Rubia.

Pía de Mougás.

Para outras páxinas con títulos homónimos véxase: Santa Uxía e Mougás.

Mougás
Mougás
Concello	Oia[1]
Provincia	Pontevedra
Coordenadas	42°03′03″N 8°52′25″O
Poboación	718 hab. (2022)
Entidades de poboación	17[1]
[ editar datos en Wikidata ]

Patrimonio

Igrexa parroquial de Santa Uxía.

Nesta parroquia apareceu a chamada Pía de Mougás, unha pedra labrada cunha inscrición latina que fala de sacrificios. Na actualidade consérvase no Museo de Pontevedra. Ademais diso, na parroquia existen varios castros prerromanos e diversos petróglifos, destacando o conxunto da Cabeciña.

Na igrexa parroquial atopouse unha lauda prerrománica e unha talla de madeira gótica que representa á Virxe co Neno, conservada no Museo de Pontevedra. O templo, de tres naves, ten a súa orixe no século X, pero foi reformada nos s. XVI e XVIII.

Na localidade do Porto ten a súa sede a Orde Migueliana.

Cabalos nos montes de Mougás.

O curro de Mougás, que se celebra o segundo domingo de xuño é un dos máis populares de Galicia.

A banda de música Unión Musical de Mougás foi creada en 1880.

Lugares e parroquias

Lugares de Mougás

Lugares da parroquia de Mougás no concello de Oia (Pontevedra)
Barcelos | Bragadela | O Cabezo | A Cova | A Ermida | A Granxa | A Igrexa | Lameiro | Laxes | As Mariñas | Os Mises | Mougás | O Outeiro | Pedra Rubia | O Porto | Riodosos | Toiberde

Parroquias de Oia

Galicia | Provincia de Pontevedra | Parroquias de Oia
Burgueira (San Pedro) | Loureza (San Mamede) | Mougás (Santa Uxía) | Oia (Santa María) | Pedornes (San Mamede) | Viladesuso (San Miguel)

Notas

1. Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
2. IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023.
3. "A GUARDA-TEBRA archivos". DIOCESE TUI-VIGO (en castelán). Consultado o 2023-09-13.

Véxase tamén

Bibliografía

• Bouza Brey, F. (1931). "A pía megalítica de Mougás e as prácticas adiviñatorias da Galiza antiga". Boletín da Real Academia Galega 20 (235-240).
• Bango Torviso, I. G. (1978). "Aportación a una catalogación de la imaginería gótica de Pontevedra". Museo de Pontevedra (32).

Outros artigos

• Lugares de Oia

Ligazóns externas

• Mougás na páxina da Diocese de Tui-Vigo.